९ फाल्गुन २०७९, मंगलवार
काठमाडौ : नेकपा एकीकृत समाजवादीका सम्मानित नेता झलनाथ खनालले पर्वले मेलमिलाप र बन्धुत्वको भावना विकास हुने बताएका छन् । पूर्वप्रधानमन्त्री समेत रहेका खनालले ग्याल्पो ल्होछारको शुभकामना दिँदै यस्तो बताएका हुन् ।
उनले भनेका छन: ग्याल्पो ल्होछारको अवसरमा स्वदेश तथा विदेशमा रहनुभएका सम्पूर्ण नेपाली दाजुभाई, दिदीबहिनीहरुमा सुख, शान्ति, समृद्धि तथा प्रगतिको हार्दिक शुभकामना व्यक्त गर्दछु । आजको दिनलाई खास गरि हिमाली क्षेत्रमा बसोबास गर्ने शेर्पा समुदायले विशेष पराम्परागत साथै सांस्कृतिक महत्वका साथ मनाउने गर्छन ।
शेर्पा, हेल्मु, तामाङ, गुरुङ, हुम्ली, मुस्ताङे र मनाङ्गे लगायत अन्य धेरै समुदायको साझा यो पर्वले आपसी आपसी सद्भाव, मेलमिलाप तथा बन्धुत्वको भावना विकास हुनुका साथै हाम्रा मौलिक परम्परा, संस्कार र संस्कृतिको संरक्षण तथा संवद्धन पनि हुन्छ । त्यसैले यो पर्वको सन्दर्भमा म सम्पूर्ण नेपाली जन समुदायलाई अझ बढी अग्रगति, प्रगति र समृद्धिका लागि हार्दिक शुभकामना व्यक्त गर्दछु ।
प्रकाशित मिति: ९ फाल्गुन २०७९, मंगलवार
