९ फाल्गुन २०७९, मंगलवार
काठमाडौ : नेपाली कांग्रेसका सभापति शेरबहादुर देउवाले सांस्कृतिक धरोहरको रक्षा सबैको दायित्व र जिम्मेवारी भएको बताएका छन। ग्याल्पो ल्होछारको अबशरमा शुभकामना सन्देश दिँदै सभापति देउवा यस्तो बताएका हुन् ।
देउवाले शुभकामना सन्देशमा भनेका छन:
नेपाल बहुजातीय, बहुभाषिक, बहुसांस्कृतिक, बहुधार्मिक विशेषताले भरिपूर्ण एक सुन्दर देश हो । यहाँ विभिन्न जातजातिका आ–आफ्नै विशिष्ट परम्परा, रहनसहन, रितिरिवाज र चाडपर्वहरु छन् । यी प्रत्येक पर्वहरुलाई सबैले आदर र सम्मान गर्ने हाम्रो आफ्नै सद्भावयुक्त परम्परा छ । यी चाडपर्व मध्ये नेपालका आदिवासी शेर्पा लगायत उत्तरी हिमाली क्षेत्रमा बसोबास गर्ने विभिन्न समुदायले मनाउने ग्याल्पो ल्होसार (नयाँ वर्ष) पनि एक महत्वपूर्ण पर्व हो ।
लोकतन्त्रमा मात्र सबै जात–जाति, सबै भाषा–भाषी तथा सबै धर्म र संस्कृतिले समान अवसर पाउँछन् । सम्पूर्ण सांस्कृतिक धरोहरको रक्षा गर्र्दै भावी पुस्ताहरुका लागि पनि जीवन्त राख्नु हामी सबैको दायित्व र जिम्मेवारी हो ।
यो ल्होसार — नयाँ वर्ष सम्पूर्ण नेपालीहरुका निमित्त सुख, शान्ति र समुन्नतिको वर्ष बनोस्, यही मेरो हार्दिक शुभ–कामना !
प्रकाशित मिति: ९ फाल्गुन २०७९, मंगलवार
