२९ असार २०८०, शुक्रबार
२९,असार ,काठमाडौँ । नेपाल शैक्षिक परामर्श संघ (इक्यान) को नयाँ नेतृत्वका लागि आफ्नो टिम घोषणा गर्दै अध्यक्षका उम्मेदवार शेषराज भट्टराईले आफ्नो समूहको जित सुनिश्चित भएको दाबी गरेका छन् ।
काठमाडौंमा एक समारोहबीच आफ्नो टिम घोषणा गर्दै उनले भने, ‘अग्रजदेखि अनुजसम्मको साग हामीलाई छ । भिजन भएको डाइनामिक टिम भएकाले हाम्रो जितलाई कसैले रोक्न सक्दैन ।’
भट्टराई नेतृत्वको समूहबाट उपाध्यक्षमा श्रीराम पौडेल, गीता सिवाकोटी र दयाराम थापाले उम्मेदवारी दर्ता गराएका छन् । यस्तै महासचिवमा दीपकराज भुषाल, सचिवमा भवनाथ हुमागाई र रत्नबहादुर भट्टराईको उम्मेदवारी परेको छ । कोषाध्यक्षमा आशिक कार्की, सहकोषाध्यक्षमा विकल्पराज पोख्रेलले उम्मेदवारी दिएका छन् ।
त्यस्तै भट्टराई समूहको कार्यसमति सदस्यका लागि सुवर्ण बस्नेत, विजयकुमार बस्नेत, रमेश लुइटेल, उमा खड्का, गोविन्द खनाल, होेमराज थापा, राजेश श्रेष्ठ, मनोरथ शाह र वसन्त पाण्डेको उम्मेदवारी परेको छ ।
भट्टराईको समूहका सबै उम्मेदवार अनुभवी, दक्ष र गतिशील छन् । उनीहरुले नेतृत्वमा चुनिएपछि संस्थाको गरिमालाई अझ उँचो बनाउने प्रतिबद्धता व्यक्त गरेका छन् ।
प्रकाशित मिति: २९ असार २०८०, शुक्रबार
