Accurate Khabar

बैंक खाता खोल्ने काममा ढिलाई नगर्न उम्मेदवारहरुलाई निर्वाचन आयोगको ताकेता

काठमाडौँ । निर्वाचन आयोगले बैंक खाता खोल्ने कामका ढिलाई नगर्न प्रतिनिधि सभाका उम्मेदवारलाई ताकेता गरेको छ । शुक्रवार आयोजित नियमित पत्रकार सम्मेलनमा आयोगले निर्वाचनको प्रचारप्रसार सम्बन्धि सबै खर्च सोही खाताबाट हुनुपर्ने भएकाले बाँकि रहेका उम्मेदवारहरुलाई

संविधान एवं प्रशासनविद् काशीराज दाहालले संविधानको पूर्ण कार्यान्वयन गर्न नसकेका राजनीतिक दलहरूले चुनावी घोषणा पत्र कार्यान्वयन गर्छन् भन्नेमा आंशका र प्रश्न रहेको बताउनुभएको छ । शुक्रवार काठमाडौंमा आयोजित ‘राजनीतिक दलका घोषणापत्रमा दलित, महिला र सिमान्तकृत समुदायका मुद्दा र प्रतिवद्धतासम्बन्धी संवाद’ कार्यक्रममा बोल्दै उहाँले यस्तो बताउनुभएको हो । संविधान निर्माणको एक दशक बित्दा समेत संविधान कार्यान्वयनका लागि आवश्यक कानून निर्माण हुन नसकेको उहाँको भनाइ छ । संविधान कार्यान्वयनका लागि आवश्यक कानून निर्माण राजनीतिक दल र निर्वाचनपवछि बन्ने सरकारको प्राथमिकता हुनुपर्ने बताउनु भयो । उहाँले संविधानमा उल्लेखित प्रावधानहरू नै प्रभावकारी रूपमा लागू हुन नसकेको अवस्थामा दलहरूले घोषणापत्रमा गरेका प्रतिवद्धता कार्यान्वयन हुनेमा जनताले प्रश्न उठाउनु स्वाभाविक भएको धारणा समेत राख्नुभयो । उहाँले संविधान कार्यान्वयनको पहिलो शर्त आवश्यक कानून निर्माण भएको उल्लेख गर्दै संविधान प्रवद्र्धन गर्नु समेत दलहरुको प्राथमिकतामा पर्नुपर्ने धारणा राख्नुभयो । उहाँले संविधान कार्यान्वयनमा देखिएका समस्याको गहिरो अध्ययन गर्नु जरुरी रहेको समेत बताउनु भयो । दाहालले राजनीतिक दलहरूले समयमै संविधान कार्यान्वयनको स्पष्ट योजना ल्याएको भए अहिले घोषणापत्रमार्फत पुनः प्रतिवद्धता दोर्होयाउनुपर्ने अवस्था नआउने जिकिर गर्नुभयो । उहाँले अधिकांश दलले चुनावी घोषणापत्रमा सुशासन कायम गर्ने उल्लेख गरेपनि लामो समयदेखि सत्तामा रहेका पुराना दलहरूले विगतमा किन सुशासन कायम गर्न नसके भन्ने विषयमा जनतालाई स्पष्ट जवाफ दिनुपर्ने धारणा राख्नुभयो । उहाँले भन्नुभयो, ‘राजनीतिक दलहरु र सरकारले संविधान कार्यान्वयनको लागि आवश्यक कानूनहरु समयमै बनाउनुपर्छ । हामीले संविधान निर्माणको दश वर्ष बितिसक्दा समेत संविधान कार्यान्वयनको लागि आवश्यक पर्ने कतिपय कानून अहिलेसम्म पनि बनाउन सकेका छैनौँ । भनेपछि दलहरुले संविधानमा लेखेका कुराहरु त लागू गर्न सकेनौँ भने घोषणा पत्रमा लेखेको कुरा कसरी र कति लागू होला ? जनतहरुले यस्तै प्रश्न गरिरहेका छन् । कतिपय कानूनहरु अहिले पनि बन्न सकेको अवस्था छैन । संविधान कार्यान्वयनका लागि आवश्यक कानून बन्नुपर्छ । दोस्रो कुरा, संविधानलाई प्रवद्र्धनत गर्नको लागि संविधानमा लेखेका कुरा जनताको माझमा पुर्याएर त्यो प्रतिफल दिनुपर्छ । अर्को कुरा, संविधानलाई कहाँ कहाँबाट समस्या छ भन्ने कुरामा समेत हामीले अध्ययन गर्न सकेनौँ । गरिवीको कारणले हो कि, विभेदको कारणले हो कि, सुशासनको कमीको कारणले हो कि भन्ने कुरामा कसले अध्ययन गर्यो ? यदि हामीले सुक्ष्म ढंगले अध्ययन गरेको भए अहिेलेको अवस्था सिर्जना हुँदैन थियो होला । यदि राजनीतिक दलहरुले संविधान कार्यान्वयनको योजना बनाइदिएको भए अहिले घोषणा पत्र लेखिरहनुपर्ने अवस्था थिएन । त्यसकार।ण अगामी दिनमा त्यो कुराहरु आउनुपर्यो । अहिले सबैको घोषणा पत्रमा सुशासन कायम गर्ने कुरा उल्लेख गरिएको छ । नयाँ राजनीतिक दलहरुले ठिकै पनि होला । तर पुराना राजनीतिक दलहरु जसले लामो समयदेखि सत्ता सञ्चालन गर्दै आएका छन् । उनीहरुले विगतमा किन सुशासन कायम गर्न सकेनन् ? यो कारण आम जनतालाई भन्न सक्नुपर्छ ।’ दाहाले संयुक्त राष्ट्र संघको दिगो विकासको लक्ष्य कार्यान्वयनमा समेत दलहरुले जोड दिनुपर्ने धारणा राख्नुभयो ।

‘संविधान कार्यान्वयन नगर्ने राजनीतिक दलहरूले चुनावी घोषणापत्र कसरी कार्यान्वयन गर्छन् ?’

काठमाडौँ । संविधान एवं प्रशासनविद् काशीराज दाहालले संविधानको पूर्ण कार्यान्वयन गर्न नसकेका राजनीतिक दलहरूले चुनावी घोषणा पत्र कार्यान्वयन गर्छन् भन्नेमा आंशका र प्रश्न रहेको बताउनुभएको छ । शुक्रवार काठमाडौंमा आयोजित ‘राजनीतिक दलका घोषणापत्रमा दलित, महिला

राष्ट्रिय सभा अध्यक्षद्वारा निर्माणाधीन संसद भवनको अवलोकन (तस्बिरहरु)

काठमाडौँ । राष्ट्रिय सभाका अध्यक्ष नारायणप्रसाद दाहालले नयाँ संसद भवन निर्माणको गति बढाउन निर्देशन दिनुभएको छ । भवन निर्माणको पछिल्लो अवस्थाबारे जानकारी दिँदै उहाँले आगामी अधिवेशन नयाँ भवनमै सञ्चालन गर्ने गरी काम सक्न निर्देशन दिनुभएको

निर्वाचन नहुने संशय हट्योः अर्थमन्त्री

काठमाडौँ । अर्थमन्त्री रामेश्वर खनालले फागुन २१ मा चुनाव हुँदैन की भन्ने संशय हटेको बताउनुभएको छ । शुक्रवार राजधानीमा आयोजित एक कार्यक्रममा चुनाव गराउन बनेको सरकारले शुरुवाती दिनहरुमा अनेकौँ चुनौतीहरु आइपरेपनि निरन्तरको संवाद र दलहरुसँगको

दलहरुको घोषणापत्रः आर्थिक एजेण्डा प्रमुख प्राथमिकतामा

काठमाडौँ । आसन्न फागुन २१ को प्रतिनिधि सभा चुनावलाई लक्षित गरेर काँग्रेस, एमाले, नेकपा, रास्वपासहित प्रायः सबै दलहरुले सावर्जनिक गरेको घोषणापत्रमा आर्थिक एजेण्डाले प्रमुख प्राथमिकता पाएको छ । दलहरुले ल्याएको घोषणापत्रमा मुलुकलाई सुशासनको बाटोमा डो-याउँदै