Accurate Khabar

नेपाल राष्ट्र बैंकले फेरि निक्षेप संकलन उपकरण प्रयोग गर्दै ४० अर्ब रुपैयाँ खिच्ने भएको छ । बैंकिङ प्रणालीमा अधिक तरलता थुप्रिएपछि राष्ट्र बैंकले १६० दिनका लागि ४० अर्ब रुपैयाँ तान्ने भएको हो । पछिल्लो समय कर्जाको माग नबढेपछि बैंकिङ प्रणालीमा तरलता पर्याप्त छ । बैंक तथा वित्तीय संस्थाहरु ३ प्रतिशतको हाराहारीको ब्याजदरमै केन्द्रीय बैंकलाई पैसा दिइरहेका छन् ।केन्द्रिय बैंकले वित्तीय प्रणालीको अधिक तरलता र ब्याजदर व्यस्थापनका लागि निक्षेप संकलन उपकरण र स्थायी निक्षेप सुविधामार्फत तरलता खिच्दै आएको छ । बोलकबोलमा राष्ट्र बैंकबाट इजाजतप्राप्त ‘क’, ‘ख’ र ‘ग’ वर्गका बैंक तथा वित्तीय संस्थामात्र सहभागी हुन पाउनेछन् । दीर्घकालीन निक्षेप संकलन रकम बाँडफाँट गर्दा काउण्टर पार्टीहरूले बोल गरेका ब्याजदरअनुसार सबैभन्दा कम दर बोल गर्ने रकम प्राथमिकता क्रममा राखी आह्वान गरेको रकमसम्म क्रमशः बाँडफाँट गरिनेछ । निक्षेप चुलिँदा आज अनलाइन खरिद प्रणालीमार्फत बोलकबोल गर्न लागिको छ र ब्याजदर बोलकबोलको माध्यमबाट निर्धारण हुनेछ । बोल गर्न सकिने रकम न्युनतम १० करोड रुपैयाँ र अधिकतम ५ करोड रुपैयाँले भाग गर्दा निःशेष भाग जाने गरी कुल आह्वान रकमसम्म हुनेछ । यो १६० दिने निक्षेप संकलन उपकरणको आउँदो असोज २१ गते साँवा तथा ब्याज भुक्तानी गरिनेछ । खासगरी केन्द्रिय बैंकको खुला बजार कारोबार सम्बन्धी कार्यविधिअनुसार वित्तीय बजारमा दीर्घकालीन प्रकृतिको अधिक तरलता स्थिति देखिए त्यसको व्यवस्थापन गरी बजार ब्याजदर व्यवस्थित गर्न कारोबार सञ्चालन समितिले आवश्यकताअनुसार कुनैपनि दिन संरचनात्मक खुला बजार कारोबार अन्तर्गत बढीमा ६ महिना अवधिको दीर्घकालीन निक्षेप संकलन उपकरण प्रयोग गर्न सक्ने व्यवस्था छ । यही व्यवस्था टेकेर केन्द्रिय बैंकले पटकपटक निक्षेप संकलन उपकरण प्रयोग गर्दै आएको छ ।

बैंकमा अधिक तरलता, ४० अर्ब रुपैयाँ खिच्दै राष्ट्र बैंक

काठमाडौँ । नेपाल राष्ट्र बैंकले फेरि निक्षेप संकलन उपकरण प्रयोग गर्दै ४० अर्ब रुपैयाँ खिच्ने भएको छ । बैंकिङ प्रणालीमा अधिक तरलता थुप्रिएपछि राष्ट्र बैंकले १६० दिनका लागि ४० अर्ब रुपैयाँ तान्ने भएको हो ।

सरकारको दुई दिने बिदाले पोखराको पर्यटनमा उत्साहः आन्तरिक पर्यटकको चहलपहल बढ्यो

काठमाडौँ । सरकारले हालै कार्यान्वयनमा ल्याएको शनिवार र आईतवारको दुई दिने सार्वजनिक बिदाको निर्णयलाई पोखराका पर्यटन व्यवसायीहरूले स्वागत गरेका छन् । यस निर्णयले आन्तरिक पर्यटनलाई मात्र गति दिएको छैन, बरु सुस्ताएको पर्यटन व्यवसायमा नयाँ आशाको

रातो मत्स्येन्द्रनाथको पूजा गर्नेहरुको भीड

ललितपुर। ललितपुरको प्रसिद्ध रातो मत्स्येन्द्रनाथको रथयात्रा अन्तर्गत आज गाबहालबाट मंगलबजारसम्म रथ तानिँदैछ । वर्षा र सहकालका देवता मानिने मत्स्येन्द्रनाथको दर्शन र आशीर्वाद लिन भक्तजनहरुको निकै ठूलो भीड लागेको छ । मंगलवार पुल्चोकबाट रथ तानेर गाबहाल

साहित्यकार शोभा अधिकारीको लघुकथा सङ्ग्रह ‘आमाको आँखा’ विमोचन

काठमाडौँ । लेखक तथा साहित्यकार शोभा अधिकारीको लघुकथा सङ्ग्रह ‘आमाको आँखा’ विमोचन गरिएको छ । शनिवार राजधानी काठमाडौंमा एक समारोहकाबीच लघुकथा सङ्ग्रह ‘आमाको आँखा’ विमोचन गरिएको हो । कार्यक्रममा बोल्दै लेखक अधिकारीले सङ्ग्रहमा समेटिएका लघुकथाहरू

वागमती प्रदेशका संस्कृति तथा पर्यटनमन्त्री सुरेश श्रेष्ठले नयाँ मठमन्दिर निर्माणमा भन्दा विद्यमान सम्पदा र संस्कृतिको संरक्षणमा लगानी बढाउनुपर्नेमा जोड दिनुभएको छ । शनिवार काठमाडौंमा आयोजित ‘सम्पदा संरक्षण र पर्यटन प्रवद्र्धनः समृद्धिको आधार’विषयक अन्तरक्रिया कार्यक्रममा बोल्दै मन्त्री श्रेष्ठले यस्तो बताउनुभएको हो । चालु आर्थिक वर्ष २०८२/८३ को बजेटमा मठमन्दिर निर्माणमा प्राथमिकता दिएको भएपनि मौलिक सम्पदाको संरक्षणमा लगानी न्यून रहेको उहाँको भनाइ छ । उहाँले भएका सम्पदाको संरक्षणलाई प्राथमिकता दिन सके मात्रै सांस्कृतिक धरोहर जोगाउन सकिने बताउनु भयो । उहाँले संस्कृति र सम्पदा संरक्षणप्रति नवयुवा पुस्तामा चासो नहुनु चिन्ताको विषय भएको बताउनु भयो । उहाँले सांस्कृति पर्व एवं सम्पदाको महत्वबारे आउने पुस्तालाई बुझाउन आवश्यक रहेको पनि बताउनु भयो । उहाँले भन्नुभयो, ‘अहिले आर्थिक वर्ष २०८२/८३ को बजेट हेर्दा हामीले धेरै मठमन्दिरहरु बनाइरहेका छौँ । तर हामीसँग भएका सम्पदाहरुको संरक्षणमा कम लगानी भएको मलाई चाहीँ महशुस भएको छ । हामीले बनाउनेभन्दा पनि भएको कुरालाई संरक्षण गर्न सक्यौँ भने राम्रो हुन्छ । काठमाडौं उपत्याकाको ठाउँ ठाउँमा हामीसँग सम्पदा छन् । सम्पदा छन् तर हामीलाई ती सम्पदाको महत्व बुझिसकेका छैनौँ । अर्को कुरा यी सम्पदाहरुको संरक्षण गर्न सक्छौँ कि सक्दैनौँ भनेर मलाई चाँही एकदमै चिन्ता लागेको छ । हाम्रो पुस्ताले संस्कृति र सम्पदाको संरक्षण गर्न लागि परेका छौँ । तर हामी पछाडिको पुस्ताले त्यसमा ध्यान दिने हो कि नदिने हो । यो एकदमै चिन्ताको विषय बनिरहेको छ । अहिले काठमाडौं उपत्यकामा हुने विभिन्न जात्राहरुमा समेत नयाँ पुस्ताको उपस्थिति एकदमै कम देखिन्छ । रथ जात्राहरु हुन्छन् । हामलिे रथ तान्ने कुरामा युवापुस्तालाई प्रेरित गर्न सकेनौँ भने हाम्रो सम्पदा र संस्कृति जोगिन्छ त ?’ उहाँले काठमाडौं उपत्यकामा सञ्चालन हुने विभिन्न जात्रा तथा रथयात्रामा युवापुस्ताको सहभागिता घट्दै गएको उल्लेख गर्दै यसले सम्पदा संरक्षणमा चुनौती बढ्दै गएको समेत बताउनु भयो ।

सम्पदा र संस्कृतिको संरक्षणमा लगानी बढाउनुपर्नेमा पर्यटनमन्त्री श्रेष्ठको जोड

काठमाडौँ । वागमती प्रदेशका संस्कृति तथा पर्यटनमन्त्री सुरेश श्रेष्ठले नयाँ मठमन्दिर निर्माणमा भन्दा विद्यमान सम्पदा र संस्कृतिको संरक्षणमा लगानी बढाउनुपर्नेमा जोड दिएका छन् । शनिवार काठमाडौंमा आयोजित ‘सम्पदा संरक्षण र पर्यटन प्रवद्र्धनः समृद्धिको आधार’विषयक अन्तरक्रिया

विश्व सम्पदा दिवसः सम्पदाको संरक्षण र भविष्यको चुनौती

काठमाडौँ । आज अप्रिल १८ । विश्वभरका मानिसहरूले आफ्नो सांस्कृतिक र प्राकृतिक सम्पदाको महत्व बुझ्न र तिनीहरूको संरक्षणका लागि ऐक्यवद्धता जनाउँदै विश्व सम्पदा दिवस मनाइरहेका छन् । सम्पदाको संरक्षणका लागि जनचेतना फैलाउने उद्देश्यले आज विश्व

२४ घण्टामा २० विपद्का घटनाः २२ लाख बढीको क्षति

काठमाडौँ । पछिल्लो २४ घण्टामा मुलुकका विभिन्न भागमा आगलागी, वन डढेलो र सर्पदंशका २० वटा विपद्का घटनाहरू भएका छन् । राष्ट्रिय विपद् जोखिम न्युनिकरण तथा व्यवस्थापन प्राधिकरणकाअनुसार यी घटनाहरूमा कुनै मानवीय क्षति नभए पनि पाँच

नेपाली सेनालाई सक्षम बनाउनु सबैको साझा दायित्व :बलाधिकृत रथी केसी

काठमाडौँ । नेपाली सेनाका बलाधिकृत रथी प्रदीप जंग केसीले कल्याणकारी कार्यलाई आयमूलक र आत्मनिर्भर बनाउनुपर्नेमा जोड दिएका छन्। रामेछापमा आयोजित ‘भूतपूर्व सैनिक भेटघाट तथा पुनर्मिलन कार्यक्रम’लाई सम्बोधन गर्दै उनले कल्याणकारी कार्यलाई केवल वितरणमुखी मात्र बनाउन

प्रतिपक्ष दलहरुले उद्योग तथा वाणिज्य र श्रम तथा उपभोक्ता हित समिति सभापतिमा राष्ट्रिय स्वतन्त्र पार्टीका सांसद रहवर अन्सारी निर्वाचित गरिएकोमा आपत्ति जनाएका छन् । शुक्रवार भएको समिति सभापतिको निर्वाचनमा नेपाली काँग्रेसका सांसद प्रकाशसिंह कार्की, एमाले सांसद क्षितिज थेवे, नेपाली कम्युनिष्ट पार्टी (नेकपा)की सांसद निराशा चौधरी (डगौरा)लगायतका प्रतिपक्ष दलका सांसदहरुले निर्वाचन प्रक्रिया शुरु भईसकेपछि नामावलीमा समावेश गरेर गैरकानूनी ढंगले सभापतिको उम्मेदवार बनाइएको भन्दै अन्सारीलाई सभापतिको उम्मेदवार बनाएकोमा आपत्ति जनाएका हुन् । एमालेका सांसद थेवेले निर्वाचन प्रक्रिया शुरु भइसकेपछि अन्सारीको नाम समितिमा ल्याएर विधि र विधान विपरित उम्मेदवार बनाउने काम गरिएको भन्दै मान्य नहुने चेतावनी समेत दिनुभयो । उहाँले भन्नुभयो,‘सम्माननीय सभामुखज्युले ४ गते सभापतिको निर्वाचनको मिति तोकेपछि हिजो ४ बजेसम्म त्यसको उम्मेदवारी दर्ता थियो । तर निर्वाचन प्रक्रिया शुरु भइसकेपछाडि नामावली हेरफेर गर्ने यो कस्तो विधिसम्मत प्रक्रिया हो यो ? निर्वाचन प्रक्रिया शुरु भइसकेपछि कुन विधिले नामावली हेरफेर गर्ने कुन विधिले दिन्छ ? यसरी कसरी अघि बढ्न खोजिएको हो ? व्यक्तिको कुरामा, सभापति बनाउने कुरामा हाम्रा दावा छैन । र हाम्रो त्यसमा व्यक्तिको बारेमा प्रश्न उठाएनौँ । राष्ट्रिय स्वतन्त्र पार्टीले रहवर अन्सारीलाई निर्णय गरेर पठाउनु भयो । व्यक्तिमा हामीलाई कुनै समस्या छैन । तर हिजो निर्वाचन प्रक्रिया भईन्जेलसम्म रहवर अन्सारी नाम नै समितिमा थिएन । तर उम्मेदवारी दिएपछि नामावली चेन्जफेन्ज गरियो । यो कुन विधि, प्रक्रियामा ल्याइयो ? बलजफ्ती अगाडि बढ्ने कि विधिसम्मत अगाडि बढने ? यसलाई थप विधि प्रक्रिया गराएर, आजबाट विधि प्रक्रिया अघि बढाएर भोली पनि सभापति चुन्न सकिन्छ । भोली पनि हामी उहाँलाई नैसभापति बनाउन सक्छौँ । किनभने हामीले व्यक्तिमा कुनै कुरा उठाएका छैनौँ । तर विधि, प्रक्रिया र नियमको कुरा हो नि त । निर्वाचन प्रक्रिया सुरु हुनुभन्दा अगाडि नै नामावली हेरफेर गरेर अगाडि बढाएको थियो । वा हाउसमा हामीले अनुमोदन गरिसकेको नामावलीलाई सूचना टाँस गरेर यो विधि प्रक्रिया अघि बढाइएको थियो वा यो समितिको बैठकले नामावली पास गरेको भए हामीले यो विधि र प्रक्रियालाई मान्य थियौं । यो कस्तो विधि र प्रक्रिया हो ? जसलाई मानेर अघि बढ्ने ? भन्ने प्रश्न गर्न चाहन्छु ।’ नेपाली कम्युनिष्ट पार्टी (नेकपा)की सांसद निराशा चौधरी (डगौरा)ले पनि निर्वाचन प्रक्रिया शुरु हुन अघि समितिको मतदाता नामावलीमा समावेश नभएका अन्सारीलाई सभापतिको उम्मेदवार मान्न नसकिने अडान राख्नुभयो । उहाँले समितिको सदस्यनै नभएको व्यक्ति सभापतिको उम्मेदवार बनाउने कुरा विधिसम्मन नभएको तर्क समेत गर्नुभयो । सांसद चौधरीले भन्नुभयो, ‘हामीले जसरी गरिराखेका छौ, त्यो यो मतदाता नामावली विपरित यसमा हाम्रो उम्मेदवारी रहेको छ । यसमा हाम्रो सहमती छैन । नियम विपरित भएको कारणले मान्य छैन । विधिको कुरा गर्छौ, तर यो उम्मेदवारी विधि विपरित छ ।’ प्रतिपक्ष दलहरुले सत्तारुढ राष्ट्रिय प्रजातन्त्र पार्टी (रास्वपा) को तर्फबाट सभापतिको उम्मेदवार बन्नुभएका अन्सारी सो समितिको निर्वाचन प्रक्रिया शुरु हुनअघि सदस्य नरहेकाले उहाँको उम्मेदवारी विधिसम्मत नभएको तर्क गरेका हुन् । संसदीय अभ्यासमा समितिको नाम हेरफेर गर्न प्रतिनिधि सभाको बैठकको अनुमति लिने परम्परा छ । प्रतिनिधि सभाको चालु अधिवेशन अन्त्य हुने दिन सांसदहरुको समिति तोक्दा राष्ट्रिय स्वतन्त्र पार्टीका सांसद रहबर अन्सारी शिक्षा तथा स्वास्थ्य समितिमा पर्नु भएको थियो । राष्ट्रिय स्वतन्त्र पार्टीले आन्तरिक व्यवस्थापन मिलाउँदा अर्कै समितिमा सदस्य भएका अन्सारीलाई उद्योग समितिमा सभापति बनाउन ल्याएको थियो । तत्काल सभाको बैठक नबसेको तर जसरि पनि नाम हेरफेर गर्नुपर्ने भएकोले सभामुख डोलप्रसाद अर्यालले नियमावली को विशेषाधिकार प्रयोग गर्नुभएको थियो । यसरि नाम हेरफेर गर्दा विधि मिचिएको भन्दै विपक्षी सांसदहरुले प्रश्न उठाए पनि बैठकको समिति सभापतिमा सांसद रहबर अन्सारीलाई चुनेको छ ।

संसदीय समितिको नेतृत्व चयनमा विधि मिचिएको भन्दै सांसदहरुको आपत्ति

काठमाडौँ । प्रतिपक्ष दलहरुले उद्योग तथा वाणिज्य र श्रम तथा उपभोक्ता हित समिति सभापतिमा राष्ट्रिय स्वतन्त्र पार्टीका सांसद रहवर अन्सारी निर्वाचित गरिएकोमा आपत्ति जनाएका छन् । शुक्रवार भएको समिति सभापतिको निर्वाचनमा नेपाली काँग्रेसका सांसद प्रकाशसिंह

साविक विजेता निरज तामाङ सूर्य नेपाल गल्फ टुर २०२५–२६ अन्तर्गत छैटौं प्रतियोगिता, सूर्य नेपाल एनपिजिए म्याच प्लेको उपाधि जित्न सफल भएका छन् । उनको यो करियरको पाँचौं उपाधि हो । लगातार दोस्रो पटक उपाधि जित्ने क्रममा नेपाल नम्बर एक गल्फर निरजले १० औं सिडेड टंकबहादुर कार्कीलाई ३÷२ ले हराउँदै उपाधि जितेका हुन् । जारी सिजनको दोस्रो उपाधि जितेका निरजले नगद १ लाख प्राप्त गरे । रोयल नेपाल गल्फ क्लवमा भएको ३६ होलको फाइनलमा कुनैपनि समय टंकले निरजलाई उछिन्न सकेनन् । नवौं होलको समाप्तीमा निरजले २ होलको अग्रता बनाएका थिए । १८ औं होल सकिंदा भने ५ होलको स्पष्ट अग्रता बनाए । यसपछि २० औं होल टंकले जित्दै अग्रता ४ होलमा झारे। तर २२ औं होलमा इगल प्रहार गर्दै निरजले पुनः ५ होलको अग्रता बनाए । ५–० ले पछि परेका टंकले २३औं, २४ औं र २५ औं होल जित्दै अग्रता २ होलमा घटाए । यसपछि ३३ औं होल निरजले जिते भने ३४ औं होल बराबरीमा सकिंदा २ होल अगाडि निरजले ३÷२ को जितका साथ उपाधि रक्षा गरे । टंक प्रोफेसनल करियरको पहिलो उपाधि जित्न चुके । टंकले ७५ हजार हात पारे । छेटौं वरियताका रवि खड्का तेस्रो भए । उनले चौथो वरियताका सञ्जय लामालाई ३÷१ ले हराए । तेस्रो भएका रविले ५६ हजार र चौथो भएका सञ्जयले ४२ हजार प्राप्त गरे । प्रतियोगिताका विजयी खेलाडीहरुलाई सूर्य नेपाल प्रालिका ब्राण्ड म्यानेजर विदुरराज अधिकारी, नेपाल गल्फ संघका अध्यक्ष टासी घले र रोयल नेपाल गल्फ क्लवका कोषाध्यक्ष रोशन राईले पुरस्कार वितरण गरे । तीन दिने प्रतियोगितामा सूर्य नेपाल गल्फ टुर २०२४–२५ को अर्डर अफ मेरिटका शीर्ष १६ मा रहेका खेलाडीहरूले प्रतिष्पर्धा गरेका थिए । कुल पुरस्कार राशी ४ लाख २५ हजार रहेको थियो । क्वार्टरफाइनल पुग्ने चार खेलाडीहरू रामे मगर, जयराम श्रेष्ठ, दिनेश प्रजापती र भुवन नगरकोटीले १८ हजार प्राप्त गरे । पहिलो चरणबाट बाहिरिएका सूर्यप्रसाद शर्मा, भूवनकुमार रोक्का, रमेश अधिकारी, दीपक मगर, बलभद्र राई, धनबहादुर थापा र कृष्णमान राजबाहकले जनही १० हजार हात पारे ।

सूर्य नेपाल एनपिजिए म्याच प्ले सम्पन्नः साविक विजेता निरजलाई उपाधि

काठमाडौँ । साविक विजेता निरज तामाङ सूर्य नेपाल गल्फ टुर २०२५/२६ अन्तर्गत छैटौं प्रतियोगिता, सूर्य नेपाल एनपिजिए म्याच प्लेको उपाधि जित्न सफल भएका छन् । उनको यो करियरको पाँचौं उपाधि हो । लगातार दोस्रो पटक