५ माघ २०८०, शुक्रबार
काठमाडौं। बिहीबार निधन भएका गायक तथा सङ्गीतकार योगेश वैद्यलाई सङ्गीतकर्मीले अन्तिम श्रद्धाञ्जली दिएका छन् ।
नेपाल सङ्गीतकार सङ्घले नक्सालस्थित सङ्गीत तथा नाट्य प्रज्ञा प्रतिष्ठानमा उनको शव अन्तिम श्रद्धाञ्जलीका लागि राखेको थियो । वरिष्ठ सङ्गीतकार शम्भुजीत बास्कोटा, सङ्गीतकार चेतन सापकोटा, वसन्त सापकोटा, महेश खड्का, मिलन मोक्तान लगायत थुप्रै सङ्गतिकर्मीले फूल माला समर्पण गर्दै वैद्यप्रति श्रद्धाञ्जली व्यक्त गरेका छन् ।
‘सपना भुलाई सारा’, ‘मेरो आँसुमा नहाँसे’, ‘नेपाल मेरो उपहार भो’ लगायत थुप्रै लोकप्रिय गति दिएका ७७ वर्षीय वैद्यको बिहीबार राति साढे १२ बजे काठमाडौंको सुनधारास्थित भ्याली अस्पतालमा निधन हो । उनी लामो समयदेखि मधुमेह रोगबाट पीडित थिए ।
उनले नेपाल भाषाका समेत धेरै गीत गाएका छन् ।
प्रकाशित मिति: ५ माघ २०८०, शुक्रबार
