२३ कार्तिक २०८०, बिहीबार
जाजरकोट। नेपाल विद्यार्थी संघ (नेविसंघ) ले भूकम्पप्रभावित क्षेत्रका २विद्यालयको पुननिर्माण गर्ने घोषणा गरेको छ । भूकम्प प्रभावपत क्षेत्रमा राहत लिएर पुगेका नेविसंघका अध्यक्ष दुजाङ शेर्पाले जाजरकोटमा पत्रकार सम्मेलन गर्दै यस्तो घोषणा गरेका हुन् । भूकम्पमा परि निधन भएकी नलगाढ नगरपालिका उपमेयरको सम्झनामा सोही नगरपालिकामा पनि विद्यालय पुननिर्माण गर्ने शेर्पाले बताए ।
प्रभावित क्षेत्रमा क्षति भएको विद्यालयहरू तिहार पछि नेविसंघले भेरी नगरपालिका स्थित ३ मा पर्ने हनुमान प्राथमिक विद्यालय र नलगाड नगरपालिका ५ को नेपाल राष्ट्रिय प्राथमिक विद्यालयको निर्माण गर्ने प्रतिवद्धता व्यक्त गरेको हो । साथै नेविसंघले अभिभावकविहीन बालबालिकाहरूको पहिचान गरी उचित शिक्षाको पहल गर्ने र विद्यार्थीमा परेको मनोवैज्ञानिक असर हटाउन अभियान थाल्ने जनाएको छ । नेविसंघले रुकुम पश्चिम र जाजरकोट गरी ३९८ विद्यालय पूणर्रुपमा क्षतिग्रस्त भएको र ५० हजार भन्दा धेरै विद्यार्थीको पढाइ प्रभावित भएको तथ्यांक रहेको छ।
नेविसंघ केन्द्रीय सदस्य नारायण पाण्डेका अनुसार पभावित क्षेत्रमा नेविसंघले १६ लाखको राहत सामग्री उपलब्ध गराएको छ । साथै सरकारको कोषमा ७ लाख रकम जम्मा गर्ने घोषणा गरेको छ ।
प्रकाशित मिति: २३ कार्तिक २०८०, बिहीबार
