Trending
>>   भारतीय राष्ट्रपतिसमक्ष ओहोदाको प्रमाणपत्र बुझाएपछि राजदूत पाण्डेद्वारा पदभार ग्रहण >>   मंसिर ७ देखि काठमाडौं जलवायु कार्य सप्ताह, जलवायु उत्थानशील शहर बनाउने लक्ष्य >>   प्रधानमन्त्रीको भारत भ्रमणः ऊर्जा क्षेत्र ‘ब्रेक थ्रु’ चाहन्छ, के–के विषयमा हुनुपर्छ सहमति ? >>   आगामी निर्वाचन पपुलिस्ट र लोकतान्त्रिक शक्तिबीचको संघर्ष हुनेछः बादल >>   एमाले भेलामा अपरिचित व्यक्तिको प्रवेशप्रति ओलीको चासो, स्वयंसेवकलाई शतर्क रहन निर्देशन >>   हानि तथा नोक्शानीलाई जलवायु नीतिको मूलधारमा ल्याउन नेपाललाई सान्टियागो नेटवर्कको प्राविधिक सहयोग >>   हिमालय क्षेत्रको भूविज्ञान अनुसन्धानलाई विकास र नीति निर्माणसँग जोड्नुपर्छः सभामुख अर्याल >>   सर्वोच्चले दानबहादुर कार्कीलाई दिएन अन्तरिम आदेश >>   पार्टीप्रति जनविश्वास फर्काउन कमजोरी सच्याउनुपर्छः एमाले सचिव अर्याल >>   एमाले फेरि सरकारमा फर्किन्छ, मूल ढोकाबाटै सिंहदरबार पस्छौँः केपी ओली
Logo
३ मंसिर २०८३, बिहीबार
३ मंसिर २०८३, बिहीबार

शिक्षा ऐनमा बालकेन्द्रित तथा खेलकुदमा आधारित सिकाई प्रणालीलाई प्राथमिकता दिनुपर्छः सभापति शेरचन


शिक्षा ऐनमा बालकेन्द्रित तथा खेलकुदमा आधारित सिकाई प्रणालीलाई प्राथमिकता दिनुपर्छः सभापति शेरचन

काठमाडौँ।शिक्षा, स्वास्थ्य तथा सूचना प्रविधि समितिकी सभापति डा. ओजश्वी शेरचनले अब बन्ने विद्यालय शिक्षा ऐनमा प्रारम्भिक बाल विकास (ईसीडी)लाई स्पष्ट पहिचानसहित कानूनी व्यवस्था गर्न पहल गर्ने बताएकी छिन् ।

आईतवार काठमाडौंमा सरोकारवालाहरुसँगको छलफलमा बोल्दै सभापति शेरचनले प्रारम्भिक बाल विकासलाई प्रभावकारी बनाउन वैज्ञानिक प्रमाणमा आधारित नीति निर्माण, सिर्जनशीलतामा आधारित सिकाइ प्रणाली आवश्यक रहेको पनि बताइन् । उनले प्रारम्भिक शिक्षामा रटानमा आधारित पद्धतिको सट्टा खेलमा आधारित तथा बालकेन्द्रित सिकाइमा जोड दिनुपर्ने गरी ऐन निर्माण हुनुपर्नेमा जोड दिएकी छिन् । स्थानीय सरकारहरुले ईसीडी केन्द्रमा बालकेन्द्रित सिकाइ भए–नभएको नियमित अनुगमन र निरीक्षण गर्नुपर्नेमा पनि जोड दिइन् । उनले विद्यालय शिक्षा ऐनमा ईसिडीसम्बन्धी छिमेकी मुलुक भारतलगायतका मुलुकका अभ्यासबाट समेत सिक्न सकिने बताएकी छिन् । उनले नेपालको कला, संस्कृति, समूदायको आवश्यकता तथा सामाजिक परिवेशअनुसारको शिक्षा प्रणाली विकास गर्नुपर्ने आवश्यकता रहेको पनि बताइन् । नेपालमा हाल करिब १२ लाख २० हजार ५ सय ३८ बालबालिका ईसीडीमा रहेको तथ्यांक प्रश्तुत गर्दै सभापति शेरचनले विद्यार्थी भर्नाको अनुपात निजी विद्यालयहरुमा रहेको बताएकी छिन् ।

उनले भनिन्, ‘भारतको तीन वर्षदेखि आठ वर्षसम्मको बेस्ट करिकुलम छ । त्यतातिर पनिउ जान सकिन्छ । तर हामीले हाम्रो शिक्षा प्रणाली परिवर्तन गर्न जरुरी रहेको छ । यो रटानको सिकाई प्रणालीभन्दा हामी बरु खेलकुदमा आधारित प्रणालीमा जानुपर्छ । अनि स्थानीय तहहरु खेलकुदमा आधारित सिकाई भए नभएको निरन्तर निरीक्षण गर्नुपर्यो । हामीले यसको लागि तीन तहको सरकारको जिम्मेवारी पनि स्पष्ट रुपमा बाँडफाँड गर्नुपर्ने आवश्यकता रहेको छ ।’

सभापति शेरचनले सरोकारवालाहरुको माग र सुझावहरुलाई अधिकतम सम्बोधन गरिने प्रतिबद्धता समेत व्यक्त गरेकी छिन् ।


प्रकाशित मिति: १८ आश्विन २०८३, आईतवार

यो खबर पढेर तपाईलाई कस्तो महसुस भयो ?