‘तिमी मेराे’ लिएर आए सुचिन्दा र अमन

काठमाडाैं । अमन प्रधान र सुचिन्दा श्रेष्ठको आवाजमा ‘तिमी मेरो’ बोलको गीत सार्वजनिक भएकाे छ।
भावसागर युट्युव च्यानलबाट सार्वजनिक भएकाे गीतमा गायक अमनले नै संगीत भरेका छन्। अमनले बाल्यअवस्थामै विभिन्न युरोपेली मुलुकहरूमा आयाेजित गायन प्रतिस्पर्धामा सहभागी भई चर्चा बटुलेका थिए।
प्रेमकथामा आधारित गीतकाे म्युजिक भिडियाेले युट्युव र टीकटकमा चर्चा बटुलिरहेकाे छ। भिडियोमा मोडल सन्जिब थेबे लिम्बू र गायिका सुचिन्दाले अभिनय गरेका छन्। मुलुकको समसामयिक अवस्थाले तीन वर्षदेखि बवदेशमा रहेको प्रेमी र नेपालमै आफ्नो प्रेमिलाई कुरिरहने प्रेमिकाबीचको प्रगाढ प्रेमिल भावलाई भिडियाेमा समेटिएकाे छ।
भिडियाे रोमान्टिक र संयाेगान्त सन्देशमुलक कथामा प्रस्तुत गर्न सफल भयेका छन्, चर्चित निर्देशक राजेशपुमा राई। शब्द वरिष्ठ गीतकार अम्बिका गुरुङले लेखेकी हुन्। वेष्टन पप जनरामा बनेकाे गीतको एरेन्ज/ मिक्स/ माष्टर राहुल प्रधानले गरेका छन्।
ताप्लेजुङकाे सिनाममा जन्मिइ हङकङ बस्दै आएका समाजसेवी वसन्त थेबेले भिडियोको निर्माण गरेका हुन्। भिडियाेमा अभिनय गरेका सन्जब हङकङमै एक होटेलमा सहायक म्यानेजर छन्। उनले नेपाली कथानक चलचित्र ‘शान्ति’मा अर्का नायक सुशील क्षेत्रीसँगै मुख्य भूकिकामा अभिनय गरिसकेका छन्।
गायीका सुचिन्दा एमबीए अध्ययनकाे क्रममा छिन्। उनले गाएकाे ‘एक चोटि आईदेउन’ गीतले पनि चर्चा बटुलेकाे थियाे। कालो केसमा रेलिमाई, फुलबुट्टे सारी, गाजल टिकि जस्ता चर्चित म्युजिक भिडियो निर्देशन गरिसकेका युवा निर्देशक राजेश पुमाले यो भिडियोलाई पनि उत्कृष्ट बनाएका छन्।
“हाम्राे टिमले याे गीतमा धेरै मिहेनत गरेकाे छ। भिडियाे पनि उत्कृष्ट बनेकाे छ,” उनले भने, “सुरूआतमा दर्शकबाट पनि राम्राे प्रतिक्रिया पाइरहेकाे छु।”