१० आश्विन २०८०, बुधबार
हान्झाउ । १९औं एसियाड अन्तर्गत इस्पोर्ट्सको ड्रिम थ्री किङडम्स २ डीटीकेमा नेपाल बुधबार दुवै खेलमा पराजित भएको छ । ड्रिम्स थ्री किङडम्स २ को समूह सी मा नेपाल कीर्गिस्तान र भियतनामसँग समान १-० ले पराजित भयो । इस्पोर्ट्समा नेपालले यसपटक ५ फरक इभेन्टसमा २३ खेलाडीलाई एसियाडमा ल्याएको थियो । जसमा फिफा अनलाइनमा फोरमा समिर गुरुङ पराजित भइसकेका छन् भने एरिना अफ भेलोर एओभी एसियन गेम्स भर्सनमा पनि नेपाल पराजित भइसकेको छ । अब नेपालले पिस एलिट एसियन गेम्स भर्सन पब्जी मोबाइल र डोटा २ मा प्रतिस्पर्धा गर्न बाँकी छ । डोटा मा नेपालले सिधै क्वाटरफाइनल खेल्नेछ ।
प्रकाशित मिति: १० आश्विन २०८०, बुधबार
