२२ श्रावण २०८०, सोमबार
२२ श्रावण, काठमाडाैँ । एकीकृत समाजवादीको कार्याबाहक अध्यक्षको जिम्मेवारी उपाध्यक्ष डा. बेदुराम भुसालले पाएका छन् । अध्यक्ष माधवकुमार नेपाल पार्टी सम्बद्ध प्रवासी नेपाली एकता मञ्चले स्वीटजरल्याण्ड, स्पेन, क्रोसिया र बेलायतमा आयोजना गर्ने कार्यक्रमा सहभागी हुन २२ साउनदेखि १ भदौसम्म विदेशमा रहने भएकाले पार्टी कामको संयोजन गर्ने जिम्मेवारी भुसाललाई दिइएको हो ।
भुसाल कृषि तथा पशुपन्छी विकासमन्त्री समेत हुन् ।प्रवासी नेपाली एकता मञ्च युरोपद्वारा स्वीट्जरल्याण्डलगायतका विभिन्न देशमा आयोजना हुने विभिन्न कार्यक्रममा सहभागी हुन उनि आज बिहान त्यसतर्फ प्रस्थान गरेका हुन् ।
प्रकाशित मिति: २२ श्रावण २०८०, सोमबार
