२२ श्रावण २०८०, सोमबार
२२ श्रावण, काठमाडाैँ । पूर्वप्रधानमन्त्री तथा एकिकृत समाजवादीका अध्यक्ष माधवकुमार नेपाल सर्वोच्च अदालतको फैसलाबारे जानकार रहेको सचिवालयले जनाएको छ । बालुवाटार जग्गा प्रकरणमा नेपाल समेतलाई छानबीनको दायरामा ल्याउन अदालतले आदेश गरेको भोलिपल्टै विदेश प्रश्थान गरेको भन्दै टिकाटिप्णी भएपछि सचिवालयले विज्ञप्ति जारी गरेर स्पष्ट पारेको हो । उनी १ भदौमा स्वदेश फर्कने सचिवालयले जनाएको छ ।
नेपाल प्रवासी नेपाली एकता मन्च युरोपद्वारा स्वीट्जरल्याण्ड लगायतका विभिन्न देशहरूमा आयोजना हुने पूर्व निर्धारित विभिन्न कार्यक्रमहरूमा सहभागी हुन टर्किस एअरको विमानद्वारा आज विहान ७ः३० बजे इस्तानवुल हॅुदै जेनेभा प्रस्थान गरेका हुन् । ‘सर्वोच्च अदालतबाट भएको फैसलाका सन्दर्भमा उहॅा जानकार हुनुहुन्छ । सबै प्रकारका भ्रष्ट्राचार एवम् अनियमितताको निष्पक्ष छानविन गरी दोषी उपर कडा कारबाही हुनुपर्छ र मुलुकमा शुसासन कायम गर्नुपर्छ भन्ने कुरामा उहॅाको दृढ मान्यता रहेको छ। उहॅा भदौ १ गते स्वदेश फर्किने कार्यक्रम रहेको छ,’नीजि सचिवालयले भनेको छ ।
प्रकाशित मिति: २२ श्रावण २०८०, सोमबार
