६ श्रावण २०८०, शनिबार
६ श्रावण, काठमाडाैँ । ४१ औं वीपी स्मृति दिवसको अवसरमा रक्तदान आयोजित कार्यक्रममा २३४ यूनिट रगत संकलन” नेपाली कांग्रेस जिल्ला कार्यसमिति, चितवनको आव्हानमा मातहातमा रहेका विभिन्न तहगत निकाय र शुभेच्छुक संस्थाहरुबाट महामानव वी.पी. कोइरालाको ४१ औं स्मृति दिवसको अवसरमा मिति २०८० श्रावण ५ शुक्रवारका दिन चितवन जिल्ला स्थित ३ वटै निर्वाचन क्षेत्रहरुमा एकैसाथ सुरुवात गरिएको रक्तदाआयोजित न कार्यक्रममा २३४ यूनिट रगत संकलन भएको छ ।
जस अन्तर्गत नेपाली कांग्रेस तरुण विभाग चितवनको संयोजनमा क्षेत्र नं. १ (होटल स्टार चितवन, रत्ननगर-१) मा आयोजित कार्यक्रममा कुल १०५ यूनिट, नेपाली कांग्रेस क्षेत्रीय कार्यसमिति, क्षेत्र नं. २ को संयोजनमा उद्योग वाणिज्य संघ, नारायणगढमा आयोजित कार्यक्रममा कुल ४१ यूनिट, नेपाली कांग्रेस क्षेत्रीय कार्यसमिति, क्षेत्र नं. ३ को संयोजनमा सत्कार पार्टी प्यालेस, पार्वतीपुरमा आयोजित कार्यक्रममा कुल ३४ यूनिट र शुभेच्छुक संस्था नेपाल ट्रेड यूनिय अन्तर्गत नेपाल टेलिकम ओर्कर्स यूनियनको संयोजनमा भरतपुरमा आयोजित कार्यक्रममा कुल ५४ यूनिट रगत संकलन भएको छ ।
रक्तदान कार्यक्रमलाई सफलतापूर्क सम्पन्न गर्न साथ र सहयोग पुर्याउनुहुने नेपाली कांग्रेसका सदस्य एवम् नेता साथीहरु, स्वास्थ्यकर्मी लगाएत आम जनसमुदायमा नेपाली कांग्रेस चितवन हार्दिक धन्यबाद ज्ञापन गर्दछ । यस पुनित अवसरमा आफ्नो अमूल्य रगत दान गरी मानवीय सेवामा समर्पित हुनु भएका रक्तदाता महानुभावहरु प्रति कृत्यज्ञता प्रकट गर्दै उहाँहरुको योगदानको हामी उच्च सम्मान गर्दछौ ।
प्रकाशित मिति: ६ श्रावण २०८०, शनिबार
