७ भाद्र २०८१, शुक्रबार
काठमाडौँ। सत्तारुढ दल नपाली काँग्रेसको केन्द्रिय समितिको बैठकमा सदस्यहरुले सरकारमा पार्टीको तर्फबाट प्रतिनिधित्व गर्ने मन्त्रीहरुले आफ्नो उपस्थितिलाई सशक्त बनाउनुपर्नेमा जोड दिनुपर्ने बताएका छन् ।
शुक्रवार बसेको पार्टीको केन्द्रिय समितिको बैठकमा केन्द्रिय सदस्य र पूर्वपदाधिकारीहरुको सरकारमा सशक्त उपस्थिति देखाउन जोड दिएका हुन् ।
बैठकपछि सञ्चारकर्मीहरुसँग कुरा गर्दै पार्टीका प्रवक्ता डा. प्रकाशशरण महतले केन्द्रिय समितिको बैठकमा प्रश्तुत गरिएको विषयहरुमा छलफल जारी रहेको बताएका छन् । उनले समसामयिक विषयमा, सरकारमा पार्टीको तर्फबाट प्रतिनिधित्व गर्ने साथीहरुले आफ्नो उपस्थिति सशक्त देखाउने र प्रभावकारी भुमिका निर्वाह गर्नुपर्ने कुराहरुमा जोड दिइएको बताए ।
उनले गठबन्धनलाई सफल बनाउने, नेपाली काँग्रेसले महत्वपूर्ण भुमिका निर्वाह गर्ने विषयमा सदस्यहरु मत जाहेर गरेको बताउदै पार्टीबाट पदाधिकारी, संसद, प्रधानमन्त्री कति पटक हुने भन्नेकुरा समय सान्दर्भिक नरहेको मत बढी आएको बत्स्सेक्स्स छन् । त्यस्तै चुनावअघिको गठबन्धनको बारेमा पनि निर्वाचनताकाको आवश्यकताअनुसार सिद्धान्तमा रहेर गर्ने/नगर्ने कुराहरु टुंगो लगाउनुपर्ने आवाज सदस्यहरुको रहेको बताए।
प्रवक्ता महतले वक्ताहरुले समानुपातिकता, समावेशिता, महिला, आदिवासी जनजातीको प्रतिनिधित्वको व्यवस्थाको मुल मर्म बिग्रिनु हुँदैन भन्नेमा जोड दिएको पनि बताएका छन् । बैठकमा नेताहरुले पार्टीले एक्लै जित्ने परिवेश बनाउनुपर्ने र पार्टीमा एकता कायम रहनुपर्ने बारेमा सदस्यहरुको जोड रहेको बताए ।
प्रकाशित मिति: ७ भाद्र २०८१, शुक्रबार
