६ भाद्र २०८१, बिहीबार
काठमाडौं । भारतीय समकक्षी एस. जयशंकरको निमन्त्रणमा आइतबार भारतको पाँच दिनको भ्रमणमा गएकी परराष्ट्रमन्त्री डा. आरजु राणा आज स्वदेश फर्किँदै छिन् ।
परराष्ट्रमन्त्री राणाले भारत भ्रमणका क्रममा विदेशमन्त्री जयशंकर,प्रधानमन्त्री नरेन्द्र मोदी र भाजपा विदेश विभाग प्रमुख डा विजय चौथाइवालेलगायतसँग भेटवार्ता गरेकी छिन्।
भेटका क्रममा नेपाल–भारत सम्बन्ध, व्यापार, कनेक्टीभिटी, हवाई रुट, विद्युतलगायत बहुआयामिक द्विपक्षीय हितका विषयमा कुराकानी भएको जनाइएको छ । मन्त्री राणा आज अपराह्न ४ बजे स्वदेश आइपुग्ने उनको सचिवालयले जनाएको छ ।
प्रकाशित मिति: ६ भाद्र २०८१, बिहीबार
