२९ फाल्गुन २०७९, सोमबार
नेपाल बिद्यार्थी संघ पश्चिमाञ्चल क्याम्पस भित्र को विवाद चुलिदै गएको छ । मनोनयन दर्ताको दिन क्याम्पसको आधिकारिक इकाइ भन्दा बाहिरि व्यक्तिहरु हस्तक्षेपकारी शैलीमा क्याम्पस प्रवेश गरि उम्मेदवारीको फाइल र समानुपातिक तर्फको बन्द सुची निर्वाचन अधिकृतलाई बुझाएको थाहा भइ सकेपछि इकाई का उपसभापति, सचीव, कोषाध्यक्षसहित इकाइ सदस्यहरुले सामुहिक राजनिमा घोषणा गरेका थिए।पछि उम्मेद्वारहरुको नामावलीको सुची निर्वाचन समितिले प्रकाशित गर्दा बन्दसुचीमा समावेश भएका नामहरु सम्बन्धित व्यक्तिलाई थाहा नदिइकन राखिएको थाहा पाएपछी समानुपातिकतर्फका उम्मेद्वारहरुले फिर्ता लिएका छन्।यस्तो थाहा पाइसकेपछी प्रत्यक्षतर्फका समेत केही उम्मेद्वारहरुले उम्मेद्वारी फिर्ता लिएका छन् ।क्याम्पसभित्रका विद्यार्थीहरुको मनोभावना विपरीत हुने यस्ता हर्कतहरु कुनै हालतमा स्वीकार्य नहुने क्याम्पसभित्रका अधिकांश सक्रीय विद्यार्थीहरुको धारणा छ
प्रकाशित मिति: २९ फाल्गुन २०७९, सोमबार
