२९ श्रावण २०८०, सोमबार
२९ श्रावण, काठमाडाैँ । केन्द्रीय अनुसन्धान ब्युरो (सीआईबी) ले नेपाल राष्ट्र बैंकको टक्सार महाशाखालाई सुन जोख्ने पत्र पठाएको छ । सीआईबीले सोमबार पत्र पठाएको महाशाखाले जानकारी दिएको छ ।
गत श्रावण २ गते त्रिभुवन विमानस्थलबाट निस्किएको एक क्विन्टल बढी सुन सिनामङ्गलबाट समातिएको थियो । राजश्व अनुसन्धान विभागले उक्त सुन प्रकरणको अनुसन्धान गर्न सीआईबीलाई विवरण बुझाइसकेको छ ।
आजदेखि सुन जोख्ने र गाल्ने प्रक्रिया अघि बढ्ने सम्भावना रहेको पनि बताइएको छ । उक्त प्रकरणमा समातिएको सुन गाल्नमात्रै २ दिन लाग्नसक्ने अनुमान गरिएको छ ।
प्रकाशित मिति: २९ श्रावण २०८०, सोमबार
