१ श्रावण २०८०, सोमबार
१ ,श्रावण ,काठमाडौँ । कमला नगरपालिका-६ स्थित सडकमा ज.१ त ७८१४ नम्बरको ट्याक्टर अनियन्त्रित भई सडकबाट करिब ५ मिटर तल खाल्टोमा खसेर आइतबार दिउँसो दुर्घटना हुँदा चालक सोही नगरपालिका-९ नरहा बस्ने ४५ वर्षीय रोजित राईनको घटनास्थलमै मृत्यु भएको छ ।
यसै गरि कास्की, रुपा गाउँपालिका-३ पोल्याङ फेदीमा ग.१ ख ७६८६ नम्बरको बस र ग.१५ प ८४८३ नम्बरको मोटरसाइकल एक-आपसमा ठोक्किएर सोमबार बिहान दुर्घटना हुँदा मोटरसाइकलमा सवार लमजुङ मध्ये नेपाल नगरपालिका-६ भोर्लेटार बस्ने २३ वर्षीय बिबेक बिकको मृत्यु भएको छ । दुर्घटनामा गम्भीर घाइते भएका उनको पश्चिम क्षेत्रीय अस्पताल गण्डकीमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकलमा सवार अन्य १ जनाको सोही अस्पतालमा उपचार भइरहेको छ । बस चालकलाई प्रहरीले नियन्त्रणमा लिएको छ । दुवै दुर्घटनाका सम्बन्धमा प्रहरीले थप अनुसन्धान गरिरहेको छ ।
प्रकाशित मिति: १ श्रावण २०८०, सोमबार
