२४ असार २०८०, आईतवार
२४ असार, काठमाडाैँ । काठमाडाैँमा मर्निङ वाकमा हिडेका व्यक्तिहरूको सुनको सिक्री लुट्ने ४ जनालाई प्रहरीले पक्राउ गरेको छ ।
उपत्यकाका विभिन्न स्थानमा लुटपाट गर्ने उनीहरूलाई काठमाडौं उपत्यका अपराध अनुसन्धान कार्यालयले पक्राउ गरेको हो । उनीहरूको साथबाट लुटपाटमा प्रयोग गरिएका २ वटा मोटरसाइकल समेत बरामद गरिएको छ ।
यस घटनामा पक्राउ पर्नेमा रामेछापको लिखु- १ दुरागाउँ घर भएका ३२ वर्षीय रविन दमाई, सुनसरी धरानका रवि विश्वकर्मा, काभ्रे पाँचखालका उमेश क्षेत्री, धनकुटा लेगुवाका राहुल माझी रहेका छन् ।
त्यस्तै, उनीहरूले लुटेको सिक्री किन्ने भारत भारत पश्चिम बंगाल घर भइ असनमा सुन पसल चलाउने श्रीकान्ता माइतीलाई पनि नियन्त्रणमा लिएको प्रहरीले जानकारी दिएको छ ।
उनीहरूले असार १ गतेदेखि २० गतेसम्म टोखा, नार्गाजुन नगरपालिकाको बुद्धचोक, काठमाडौं ३ चक्रपथ बंगलामुखी मन्दिर नजिक, काठमाडौं १५ चागलमा गरी ८ स्थानमा महिलाको सुनको सिक्री लुटपाट गरेका थिए ।
प्रकाशित मिति: २४ असार २०८०, आईतवार
