२१ असार २०८०, बिहीबार
२१ असार, काठमाडाैँ । अधिवक्ता अमिर लामिछाने र ललितपुर जिल्ला अदालतकी नासु प्रेमिका तामाङबीच सहमति भएको छ । बिहीबार ललितपुर जिल्ला अदालत र ललितपुर बार एसोसिएसनको तर्फबाट गठित वार्ता समितिको समन्वयमा विवाद अन्त गर्ने सहमति भएको हो ।
उनीहरूबिच सहमति भएसँगै आन्दोलनका सबै कार्यक्रम फिर्ता लिने, अमिरविरुद्ध दायर मुद्दा प्रक्रिया पूरा गरेर मिलापत्र गरी टुंग्याइने भएको छ ।
उनीहरूबिच भएको सहमितपत्रमा अधिवक्ता लामिछाने र नासु तामाङले हस्ताक्षर गरेका छन् ।
गत १३ गते अधिवक्ता लामिछानेले जिल्ला अदालतकी नासुमाथि हातपात गरेको भन्दै मुद्दा दर्ता भएपछि विवादले चरम रूप लिएको थियो । उनीहरूको विवादका कारण असार १७ गतेदेखि ललितपुर जिल्ला अदालतको कामकाजमा प्रभाव परेको थियो ।
प्रकाशित मिति: २१ असार २०८०, बिहीबार
