२ फाल्गुन २०८२, शनिबार
काठमाडौँ । प्रधानसेनापति अशोकराज सिग्देलले आसन्न प्रतिनिधिसभा निर्वाचनलाई शान्तिपूर्ण रूपमा सम्पन्न गराउन नेपाली सेनालाई विशेष निर्देशन दिनुभएको छ।
महाशिवरात्रि तथा सेना दिवसका अवसरमा सैनिक मुख्यालयमा सम्बोधन गर्दै उहाँले सेनाले राष्ट्र, संस्कृति र लोकतन्त्रको रक्षा गर्दै निर्वाचन सुरक्षामा उच्च सतर्कता अपनाउनुपर्ने बताउनुभयो। साथै सबै सैनिक तालिममा नेपाल र नेपालीको इतिहास अध्ययनलाई अनिवार्य गर्न निर्देशन दिनुभयो।
यसै अवसरमा प्रधानसेनापतिले कर्तव्यपालनाका क्रममा वीरगति प्राप्त सैनिकको सम्मानमा टुँडिखेलस्थित वीर स्मारकमा श्रद्धाञ्जली अर्पण गर्नुका साथै वीर परिवारलाई सम्मान गर्नुभएको छ।
प्रकाशित मिति: २ फाल्गुन २०८२, शनिबार
