२ फाल्गुन २०८२, शनिबार
काठमाडौँ । राहदानी विभागले अब आवेदन दिएको दुई कार्यदिनभित्रै राहदानी उपलब्ध गराउने व्यवस्था लागू गरेको छ। हालसम्म ३ लाख ९६ हजार राहदानी छपाइ भई आपूर्ति भइसकेकाले अत्यावश्यक सेवाग्राहीलाई तत्कालै राहदानी दिइने विभागले जनाएको छ।
अन्तरिम अवधिका लागि ७ लाख राहदानी पुस्तिका उपलब्ध भइसकेसँगै विभाग पूर्ण क्षमतामा सेवा सञ्चालनमा गएको छ। अब जिल्ला, इलाका प्रशासन कार्यालय तथा विदेशस्थित नेपाली नियोगबाट आवेदन दिएका सबैले क्रमशः राहदानी प्राप्त गर्नेछन्।
विभागका अनुसार मङ्सिर १५ सम्म आवेदन दिएका सेवाग्राहीले पुस १५ भित्र राहदानी पाउनेछन् भने त्यसपछि आवेदन दिनेहरूलाई पालैपालो वितरण गरिनेछ।
प्रकाशित मिति: २ फाल्गुन २०८२, शनिबार
