अमेरिका–चीन कूटनीतिक भेटवार्ता: सहकार्य र शान्तिपूर्ण सम्बन्धको संकेत

म्युनिख। अमेरिकी विदेशमन्त्री मार्को रुबियो र चिनियाँ विदेशमन्त्री वाङ्ग यीबीच भेटवार्ता भएको छ। चिनियाँ विदेश मन्त्रालयका प्रवक्ता लिन जियानले सामाजिक सञ्जाल एक्स मार्फत जानकारी दिएका हुन्।

दुवै पक्षले सन् २०२६ लाई आपसी सम्मान, शान्तिपूर्ण सहअस्तित्व र सहयोगको वर्ष बनाउने सहमति गरेका छन्। यसअघि फेब्रुअरी ४ मा टेलिफोन वार्ता सम्पन्न भएको थियो। अमेरिकी राष्ट्रपति डोनाल्ड ट्रम्प अप्रिलमा चिनियाँ राष्ट्रपति सी जिनपिङसँग भेट गर्ने र सीले यस वर्ष अन्त्यमा संयुक्त राज्य भ्रमण गर्ने अपेक्षा रहेको जनाइएको छ।