सुरक्षा मामिलामा युरोपले आफ्नो जिम्मेवारी लिनुपर्छ : ईयू प्रमुख

म्युनिख, जर्मनी । उर्सुला भोन डेर लेयनले युरोपले अब आफ्नै सुरक्षाको जिम्मेवारी गम्भीरतापूर्वक लिनुपर्ने बताउनुभएको छ। म्युनिख सुरक्षा सम्मेलनमा बोल्दै उहाँले प्रभावकारी प्रहार क्षमता र रणनीतिक सक्षमतासहित युरोपेली रक्षा संरचना मजबुत बनाउनुपर्नेमा जोड दिनुभयो।

उहाँले युरोपेली सङ्घका सदस्य राष्ट्रबीच आपसी रक्षाको प्रतिबद्धता व्यवहारमा उतार्ने समय आएको बताउनुभयो। अमेरिकाले नाटोमा लगानी घटाउने संकेत गरेपछि युरोपले सन् २०३० सम्म विश्वसनीय रक्षा प्रणाली विकासका लागि पुनःशस्त्रीकरण प्रयास तीव्र बनाएको जनाइएको छ।