Trending
>>   संसद बैठक तत्काल बोलाउन सभामुखसँग काँग्रेस र एमालेको माग >>   न्यायधीशमाथीको महाभियोगबारे सत्तारुढ दलले विपक्षी दलसंग संवाद गर्नुपर्छः आङ्देम्बे >>   रास्वपा नेतृत्वको सरकारले जनअपेक्षाअनुसार काम गरेनः प्रकाशशरण महत >>   फौजदारी कानून आकर्षित हुने विषयमा मेलमिलापको व्यवस्था लागू हुँदैनः सोविता गौतम >>   माधवकुमार नेपालसहित ९७ जनाविरुद्ध भ्रष्टाचार मुद्दा दर्ता >>   सुदूरपश्चिम रोयल्सको दोस्रो जित >>   सात जना नेपाली खेलाडीमा जिताउने क्षमता छ: करण केसी >>   काँग्रेसको १५ औँ महाधिवेशनबाट निर्वाचित केन्द्रिय कार्यसमिति अद्यावधिक गर्न निर्वाचन आयोग पुग्यो >>   नियुक्ति सिफारिस पारदर्शी बनाउन सरकारलाई निर्देशन दिन्छौँः सभापति श्रेष्ठ >>   विचौलिया प्रकरणमा सरकार आफैँ मुछिएको छ, यसको स्वतन्त्र छानविन सरकारले गर्न सक्दैनः महामन्त्री पौडेल
Logo
१७ कार्तिक २०८३, मंगलवार
१७ कार्तिक २०८३, मंगलवार
   Accurate Khabar
काठमाडौँ।नेपाली काँग्रेसका सभापति गगनकुमार थापाले पार्टीको १५ औँ राष्ट्रिय महाधिवेशनका लागि तय भएको मिति कुनै पनि हालतमा तलमाथि गर्न नसकिने बताएका छन् । आईतवार पार्टी केन्द्रिय कार्यालयमा जारी केन्द्रिय कार्यसमिति बैठकलाई सम्बोधन गर्दै सभापति थापाले अगामी असोज १६ देखि १९ गतेसम्म महाधिवेशन गर्नेगरी तय गरिएको कार्यतालिका नै अन्तिम भएको भएको बताए । उनले पार्टी विधान र कानूनअनुसार पार्टीले तय गरेको कार्यतालिका परिवर्तन गर्ने अधिकार कसैलाई नभएको तर्क गरेका छन् । पार्टीको वृहत्तर एकताका लागि छुटेका नेता तथा कार्यकर्तालाई पार्टी सदस्यता अद्यावधिक प्रक्रियामा सहभागी गराउन कार्यतालिकामा आवश्यक हेरफेर र सहजता अपनाउँदा केही समय लागेको लारिहेको पनि उनको भनाइ छ । सभापति थापाले पार्टीको वैधानिकता र विशेष महाधिवेशनका सम्बन्धमा सर्वोच्च अदालतले दिएको पुनरवलोकन आदेशलाई सामान्य रुपमा लिएको भन्दै पुनः न्यायालयको सामना गर्ने बताएका छन् । उनले पार्टीको विधानसम्मत भएको विशेष महाधिवेशनलाई यसअघि नै निर्वाचन आयोग र सर्वोच्च अदालतले वैधानिकता दिइसकेको भन्दै डराउनुपर्ने अवस्था नरहेको बताएका छन् । उनले भने, ‘पार्टीको महाधिवेशनको लागि जुन मिति तय गरिएको छ त्यो तलमाथि गर्ने सुविधा हामी कसैलाई पनि छैन । किनभने हाम्रो विधानको व्यवस्थाले त्यो कुरा तोकिदिएको छ । नेपालको कानूनको व्यवस्था पनि त्यही छ । त्यसकारण असोज १६–१९ गतेसम्म जुन कार्यतालिका तोकिएको छ त्यही कुरामा हुन्छ । त्यो हाम्रो अन्तिम विषय नै हो । अब यसमा पार्टीको बृहत्तर एकताको निम्ति छुट्नुभएका सबै नेता तथा साथीहरुले पार्टीको सदस्यता अद्यावधिक गर्ने कुरामँ बढीभन्दा बढी साथिहरु र नेताहरुलाई सहभागि गराऔँ भनेर उहाँले कार्यतालिका बनाउँदै परिवर्तन गरिरहनुभएको छ । सहज बनाउँदै गर्दा केही समय लागेको छ । त्यसकारण वडा अधिवेशन जुन प्रारम्भ गर्ने कुरा छ त्यसमा एकदुई दिन तलमाथि नहुने गरि गर्नुपर्छ भन्नेकुरा उहाँहरुको छ । हामीले यसमा छलफल गरेर बैठकबाट टुंग्याउँ । विशेष महाधिवेशनको विषयमा हिजो सत्य भएको कुरा फेरी पनि सत्य नै हुन्छ । यसबारे सरकारका केही व्यक्तिको कुरा पनि साथिहरु सुनाउँछन् । तर कुनै व्यक्तिहरुको कारण संस्थाको आलोचना गर्नुहुँदैन । यसले संस्थाहरुमाथिको विश्वास घटाउँछ । पञ्चायत कालमा पनि न्यायालयमाथि विश्वास गरेर जानुभएको वीपी कोइरालाका कार्यकर्ता हौँ हामीहरु । त्यसकारण हामी न्यायालयमाथि विश्वास राख्नुपर्छ राख्छौँ । अन्य राजनीतिक कुराहरु त समयक्रमसँगै खुल्दै गइहाल्छन् नि ।’ उनले १५ औँ महाधिवेशनलाई निष्पक्ष र पारदर्शी बनाउने कुरामा समेत जारी बैठकमा छलफल गर्नुपर्ने बताएका छन् ।
१५ औँ राष्ट्रिय महाधिवेशनको कार्यतालिका कुनैपनि हालतमा तलमाथि हुँदैनः सभापति थापा

काठमाडौँ।नेपाली काँग्रेसका सभापति गगनकुमार थापाले पार्टीको १५ औँ राष्ट्रिय महाधिवेशनका लागि तय भएको मिति कुनै पनि हालतमा तलमाथि गर्न नसकिने बताएका छन् । आईतवार पार्टी केन्द्रिय कार्यालयमा जारी केन्द्रिय कार्यसमिति बैठकलाई सम्बोधन गर्दै सभापति थापाले

प्राप्त अधिकारलाई संस्थागत र पुस्तान्तरण गर्नुपर्छः ऊर्जामन्त्री श्रेष्ठ
प्राप्त अधिकारलाई संस्थागत र पुस्तान्तरण गर्नुपर्छः ऊर्जामन्त्री श्रेष्ठ

काठमाडौँ।ऊर्जा, जलस्रोत तथा सिंचाईमन्त्री विराजभक्त श्रेष्ठले आदिवासी जनजाति समुदायले प्राप्त गरेका अधिकारहरूलाई संस्थागत गर्दै आगामी पुस्तामा हस्तान्तरण गर्नुपर्नेमा जोड दिएका छन् । ३२ औँ विश्व आदिवासी जनजाति दिवसका अवसरमा आईतवार काठमाडौंमा आयोजित एक कार्यक्रमलाई सम्बोधन

समावेशिता नारामा सिमित नभई राज्यका नीति र स्रोतमा देखिनुपर्छः उपराष्ट्रपति यादव
समावेशिता नारामा सिमित नभई राज्यका नीति र स्रोतमा देखिनुपर्छः उपराष्ट्रपति यादव

काठमाडौँ।उपराष्ट्रपति रामसहायप्रसाद यादवले आदिवासी जनजाति लगायत सीमान्तकृत समुदायको समानुपातिक प्रतिनिधित्व र राज्यका स्रोत–साधनमा समान पहुँच सुनिश्चित गर्नुपर्ने बताएका छन् । ३२ औँ विश्व आदिवासी दिवसका अवसरमा आयोजित कार्यक्रममा उनले समावेशिता नारामा मात्र सीमित नराखी राज्यका

काठमाडौँ।नेपाली काँग्रेसका सभापति गगनकुमार थापाले मुलुक अहिले सरकारको शासकीय अराजकताबाट आक्रान्त भएको आरोप लगाएका छन् । आईतवार पार्टी केन्द्रिय कार्यालयमा जारी केन्द्रिय कार्यसमिति बैठकलाई सम्बोधन गर्दै सभापति थापाले सरकारले विधिसम्मत प्रक्रिया र शक्ति पृथकीकरणको सिद्धान्तको सीमा नाघ्न थालेको आरोप पनि लगाएका छन् । उनले कार्यपालिकाले न्यायपालिकाको सीमासमेत आफूभित्र पर्ने गरी व्यवहार गर्न थालेको तथा संवैधानिक निकाय र संसदलाई समेत नमान्ने प्रवृत्ति दोहोरिएको भन्दै यस्ता कुरामा छुट दिन नहुने टिप्पणी गरेका छन् । उनले प्रधानमन्त्री बालेन्द्र साहले भनेको ‘एक्सप्रेस वे’मा सरकार बिनाब्रेक चल्नसक्ने तर लेन मिच्न नपाउने टिप्पणी गरेका छन् । उनले गृहमन्त्री सुधन गुरुङको सम्पती छानविन प्रतिवेदन लुकाएको भन्दै आपत्ति समेत जनाएका छन् । सभापति थापले अहिले दिनदिनै मन्त्री र सत्तारुढ दलका सांसदहरुले हप्किदप्कि दिने गरेको कुराहरु बाहिर आइरहेको भन्दै यसले मुलुकलाई ठिक दिशातिर जैजान नसक्ने बताए । वर्तमान सरकार बरालिएर हिँडेको उनको आरोप छ । उनले भने, ‘हामीले सबैभन्दा पहिले यहाँ बोल्नुपर्ने विषय शासकीय अराजकताका बारेमा छ । प्रधानमन्त्रीजीले मेरो गाडी एक्सप्रेस वेमा हिँडेको हो भन्नुभयो । मेरो गाडीमा ब्रेक छैन भन्नुभयो । ब्रेक राख्नुस् नराख्नुस् तपाईंको छनोटको विषय हो । तर स्पिडमा हिँड्ने हो र एक्सप्रेस वेमा जाने हो तर लेनभन्दा बाहिर जान्छु भन्ने तपाईंको छनोटको विषय होइन । तपाईंले लेन मिच्न पाउनुहुन्न । स्पिड बढाउन पाउनुहुन्छ, ब्रेक नलगाउन नि पाउनुहुन्छ तर लेनभन्दा बाहिर जान पाउनुहुन्न । यसको अर्थ विधिसम्मत प्रक्रियाभन्दा बाहिर जान सरकार पाउँदैन । शक्ति पृथकीककरणको सिद्धान्तलाई तिलाञ्जली दिन्छु भन्न पाउँदैनौ । यस सम्बन्धमा घटनाहरुमा म जान्नँ । एक पटक भयो भने त्यो संयोग हो भन्न सकिन्छ । दुई पटक भयो भने नि संयोग हो भन्न सकिन्छ । तर एउटै कुरा पटक पटक दोहोरिन्छ भने त्यो संयोग नभई प्रवृत्ति हो । त्यसमा माफी दिने छुट पनि हामीसँग छैन । सरकारको यो शैलीमा कार्यपालिकाको सीमा के हो भन्ने कुरा मान्दैन । सरकारले न्यायपालिकाको सीमा पनि मै भित्र पर्छ भन्ने मान्न थाल्यो । संवैधानिक निकायलाई उसले मान्दैन । संवैधानिक निकाय पनि मेरो आदेश पालक हो भन्न थाल्यो । संसदलाई पनि मान्दैन । शासकीय अराजकता भनेको सरकार नहुने होइन हुने हो । तर शक्ति र प्रक्रियाको सीमा नाघ्ने कुरा हो । नेपाल अहिले शासकीय अराजकताबाट आक्रान्त भएको छ । यो अराजकताको छुट हामीले यो सरकारलाई दिनु हुँदैन ।’ सभापति थापाले सरकारले गरेका अराजक गतिविधिमाथि खबरदारी गरेर ठिक ठाउँमा ल्याउने काम काँग्रेसको भएको बताएका छन् ।
सरकारको शासकीय अराजकताबाट मुलुक आक्रान्त भएको छ, सरकार बरालिएर हिँड्योः सभापति थापा

काठमाडौँ।नेपाली काँग्रेसका सभापति गगनकुमार थापाले मुलुक अहिले सरकारको शासकीय अराजकताबाट आक्रान्त भएको आरोप लगाएका छन् । आईतवार पार्टी केन्द्रिय कार्यालयमा जारी केन्द्रिय कार्यसमिति बैठकलाई सम्बोधन गर्दै सभापति थापाले सरकारले विधिसम्मत प्रक्रिया र शक्ति पृथकीकरणको सिद्धान्तको

काठमाडौँ।राज्य व्यवस्था तथा सुशासन समितिका सभापति एवं राष्ट्रिय स्वतन्त्र पार्टीका सांसद हरि ढकालले मुलुकको प्रमुख प्रशासनिक केन्द्र ‘सिंहदरबार’को नाम परिवर्तन गर्नुपर्ने बताएका छन् । ललितपुरमा आईतवार आयोजित एक कार्यक्रममा बोल्दै ढकालले राजनीतिक परिवर्तनपछि देशका विभिन्न स्थान र विमानस्थलहरूको नाम परिवर्तन गरिए पनि सिंहदरबारको नाम यथावत रहेकोमा प्रश्न उठाएका छन् । नेपालमा सिंह नपाइने उल्लेख गर्दै उनले ‘सिंहदरबार’ नामको सान्दर्भिकतामाथि तर्क गरेका छन् । सांसद ढकालले नाम मात्र नभई सिंहदरबारको कार्यशैली र हाउभाउमा समेत सुधारको आवश्यकता रहेको औंल्याए । प्रशासनिक केन्द्रको संरचना र भाषामा विद्यमान परम्परागत शैलीलाई चिर्नुपर्नेमा उनको जोड छ । ढकालले भने, ‘परिवर्तनपछाडि सबै ठाउँहरूको नाम परिवर्तन भयो, मतलब अब एयरपोर्टहरूका कहाँ कहाँ कहाँ नाम परिवर्तन भए । त्यो सिंहदरबार भन्ने चाहीँ, न हामीसँग सिंह छ, हैन ? हामीसँग सिंह छैन । त्यो सिंहदरबार भन्ने चिजको नाम परिवर्तन भएन । त्यसलाई अनामनगर दरबार राख्दिएको भए हुन्थ्यो होला, त्यो परिवर्तनपछाडि दुनियाँ ठाउँको नाम परिवर्तन गर्दै गर्दा । हामीसँग सिंह नै छैन, त्यसको नाम सिंहदरबार नै छ र त्यसको केही हाउभाउ, भावभङ्गीहरू त्यो भाषा जस्तै छ । त्यो चिर्नुपर्नेछ । मैले यो मुहानका विषयमा यति कुरा राखेँ ।’ सांसद ढकालले नाम मात्र नभई सिंहदरबारको कार्यशैली र प्रवृत्तिमा समेत परिवर्तनको आवश्यकता रहेको औंल्याए । उनले प्रशासनिक केन्द्रको ‘मुहान’ मै सुधार हुनुपर्ने र पुरानो सोच तथा भाष्यलाई चिर्नुपर्नेमा जोड दिएका छन्
‘सिंहदरबार’को नाम परिवर्तन गरी ‘अनामनगर दरबार’ राख्न सांसद हरि ढकालको प्रश्ताव

काठमाडौँ।राज्य व्यवस्था तथा सुशासन समितिका सभापति एवं राष्ट्रिय स्वतन्त्र पार्टीका सांसद हरि ढकालले मुलुकको प्रमुख प्रशासनिक केन्द्र ‘सिंहदरबार’को नाम परिवर्तन गर्नुपर्ने बताएका छन् । ललितपुरमा आईतवार आयोजित एक कार्यक्रममा बोल्दै ढकालले राजनीतिक परिवर्तनपछि देशका विभिन्न

काठमाडौँ।महानायक राजेश हमालले कलाकारिताका विभिन्न विधाहरूमध्ये हास्य विधा (कमेडी) सबैभन्दा चुनौतीपूर्ण रहेको बताएका छन् । ललितपुरमा आईतवार आयोजित नेपालको पहिलो ‘कमेडी एक्ट’ मा आधारित रियालिटी शो ‘सुपर कमेडी लिग’ को औपचारिक घोषणा कार्यक्रममा सम्बोधन गर्दै हमालले मानिसलाई हँसाउनु अत्यन्तै कठिन कार्य भएको उल्लेख गरेका छन् । हास्य विधामा क्रियाशील कलाकारहरूप्रति आफ्नो उच्च सम्मान रहेको बताउँदै उनले यस विधालाई जटिल कलाको रूपमा अथ्र्याएका छन् । सो क्रममा उनले कार्यक्रममा उपस्थित कलाकार रविन्द्र झाको प्रसंग उल्लेख गर्दै हास्य कलाकारहरूको प्रश्तुत गर्ने शैली र शिल्पको प्रशंसा समेत गरेका छन् । आफू स्वयं हास्य विधासँग सम्बन्धित यस रियालिटी शोको हिस्सा हुन पाएकोमा हमालले खुशी व्यक्त गरे । ‘सुपर कमेडी लिग’ को घोषणासँगै नेपाली मनोरञ्जन क्षेत्रमा यसले नयाँ आयाम थप्ने अपेक्षा गरिएको छ । हमालले भने, ‘भावनामा आएर कसैलाई रुवाउन वा माया–प्रितीका कुराहरू प्रश्तुत गर्न सहज भए पनि प्रश्तुतिमार्फत कसैलाई हँसाउनु निकै चुनौतीपूर्ण हुन्छ । यो व्यक्तिको ’सेन्स अफ ह्युमर’ सँग प्रत्यक्ष जोडिने विषय हो ।’ अभिनेता रविन्द्र झाले ‘सुपर कमेडी लिग’ लाई आफ्नो लागि एउटा महत्वपूर्ण सिकाईको केन्द्र भएको बताए । उनले यस कार्यक्रममा आफूले पाएको जिम्मेवारी भन्दा पनि यहाँबाट प्राप्त हुने अनुभव र ज्ञानलाई बढी प्राथमिकता दिने बताएका छन् । अभिनेता झाले कार्यक्रममा महानायक राजेश हमालको उपस्थितिलाई मुख्य आकर्षणको रूपमा उल्लेख गरेका छन् । यस लिगमार्फत नयाँ तथा पुराना कलाकारहरूको संगम हुने र सबैबाट केही न केही नयाँ कुरा सिक्न पाइने आशा झाले व्यक्त गरे । यद्यपि, शोको प्राविधिक र अन्य पक्षबारे विस्तृत टिप्पणी गर्न भने केही समय कुर्नुपर्ने उनको भनाइ छ । उनले भने, ‘यो शो मेरा लागि एउटा स्कुल हो, जहाँ म शिक्षकको भूमिकामा छु भने राजेश दाइ (राजेश हमाल) प्रधानाध्यापक हुनुहुन्छ । उहाँसँग सहकार्य गर्न पाउनु र उहाँबाट धेरै कुरा सिक्न सकिने अवसर हुनु मेरा लागि खुशीको कुरा हो । जबसम्म केही एपिसोडहरू प्रसारण हुँदैनन्, तबसम्म यसका बारेमा धेरै बोल्नु भन्दा पनि कामबाटै देखाउनु राम्रो हुन्छ ।’ नेपालमा कमेडी विधामा नयाँ प्रयोगका रूपमा हेरिएको यस रियालिटी शोले कलाकारहरूका लागि रचनात्मक प्लेटफर्म प्रदान गर्ने अपेक्षा गरिएको छ । अभिनेतृ सुरक्षा पन्तले टिम क्याप्टेनको रूपमा आफ्नो उपस्थिति रहने जानकारी दिएकी छिन् । अभिनेत्री पन्तले यस शोको अवधारणाले आफूलाई निकै आकर्षित गरेको बताइन् । पारिवारिक र सौहार्दपूर्ण वातावरणमा हेर्न मिल्ने हास्य–व्यङ्ग्यात्मक कार्यक्रमले नेपाली समाजमा छुट्टै पहिचान बनाउने विश्वास उनले व्यक्त गरिन् । पन्तकाअनुसार यो शो ओझेलमा परेका प्रतिभाहरूका लागि उत्कृष्ट मञ्च सावित हुनेछ । आफ्नो नयाँ भुमिकाका बारेमा चर्चा गर्दै अभिनेत्री पन्तले क्याप्टेनको जिम्मेवारीलाई एक व्यक्तिगत चुनौतीको रूपमा लिएको उल्लेख गरिन् । कुनैपनि टोलीलाई एउटा निश्चित दृष्टिकोण (भिजन) मा डोहो¥याउँदै उत्कृष्ट प्रदर्शन गराउनु आफ्नो लागि नेतृत्व कौशल सिक्ने एउटा अवसर भएको उनको भनाइ छ । उनले भनिन्, ‘हाम्रो समाजमा धेरै प्रतिभाशाली व्यक्तिहरू हुनुहुन्छ, जसले उचित प्लेटफर्मको अभावमा आफ्नो कला लुकाएर बस्नुभएको छ । त्यस्ता लुकेका प्रतिभाहरूलाई एउटा वृहत् मञ्च प्रदान गर्नु नै यो लिगको सबैभन्दा ठूलो सफलता हुनेछ । मेरो अनुहार केही गम्भीर देखिने भएकाले होला, मलाई कमेडी जनरामा खासै अफरहरू आउँदैनन् । तर म आफैँ यो विधालाई मन पराउँछु र यो कार्यक्रममार्फत म आफ्नो व्यक्तिगत वृद्धिसँगै नयाँ अनुभव बटुल्न उत्साहित छु ।’ सामान्यतया पर्दामा गम्भीर चरित्रहरूमा देखिने सुरक्षाले आफू व्यक्तिगत रूपमा कमेडी विधाको ठूलो प्रशंसक रहेको बताइन् । नेपालमा पहिलोपटक शुरु हुन लागेको यो ‘कमेडी एक्ट’ रियालिटी शोले नेपाली हास्य क्षेत्रमा नयाँ आयाम थप्ने अपेक्षा गरिएको छ ।
कलाकारितामा हास्य विधा सबैभन्दा चुनौतीपूर्णः राजेश हमाल

काठमाडौँ।महानायक राजेश हमालले कलाकारिताका विभिन्न विधाहरूमध्ये हास्य विधा (कमेडी) सबैभन्दा चुनौतीपूर्ण रहेको बताएका छन् । ललितपुरमा आईतवार आयोजित नेपालको पहिलो ‘कमेडी एक्ट’ मा आधारित रियालिटी शो ‘सुपर कमेडी लिग’ को औपचारिक घोषणा कार्यक्रममा सम्बोधन गर्दै

काठमाडौँ।राष्ट्रिय स्वतन्त्र पार्टी (रास्वपा) का सभापति एवं पूर्वउपप्रधानमन्त्री रवि लामिछानेले सरकारले आफ्नो लक्ष्य र वाचाअनुसार काम नगरे पार्टीले हस्तक्षेप गर्ने बताएका छन् । सरकारको कार्यशैली र स्थायित्वका विषयमा टिप्पणी गर्दै उनले सरकार बाटोबाट विचलित भए राजनीतिक दलका तर्फबाट नियन्त्रण गर्ने र पुनः सही मार्गमा ल्याउने क्षमता आफूहरूसँग सुरक्षित रहेको स्पष्ट पारेका छन् । सभापति लामिछानेले सरकार अहिले नै असफल भइनसकेको र त्यस्तो अवस्था आउन नदिनेमा आफूहरू सचेत रहेको उल्लेख गरेका छन् । सरकार सञ्चालनको प्रक्रियालाई हवाई उडानसँग तुलना गर्दै लामिछानेले कहिलेकाहीँ प्राविधिक समस्या वा वाह्य कारणले उत्पन्न हुने ‘टर्बुलेन्स’ (अवरोध) बाट नआत्तिन आग्रह गरेका छन् । सभापति लामिछानेले भने , ‘सरकारले आफ्नो वाचा र लक्ष्यअनुसार काम गर्छ । काम गर्न सकेन वा बाटो बिरायो भने सरकारलाई सही बाटोमा ल्याउने राजनीतिक पार्टी हामीसँग छ । आवश्यक परे जतिखेर पनि सरकारलाई कान समातेर सच्याउन सक्ने क्षमता पार्टीले राख्छ । तर अहिले त्यो अवस्था आएको छैन, आउन पनि दिँदैनौँ । सरकार आफ्नो लिकबाट बाहिरियो भने पुनः लिकमा ल्याएर यात्रालाई सहज बनाउने बाटोमा हामी अघि बढ्छौँ । मैले अघि पनि भनेँ, यो यात्रामा कहिलेकाहीँ टब्र्युलेन्स आउँछन् । बादलका टुक्राबीच जहाज हिँड्दा जहाज हल्लिन सक्छ । तर जहाज हल्लिँदैमा दुर्घटना हुन्छ कि भनेर डराउनुपर्दैन । त्यसैले–‘सिट ब्याक एन्ड रिल्याक्स ।’ हामी असल नियत र सही दिशाका साथ यो यात्रालाई सुरक्षित रूपमा गन्तव्यमा पु¥याउँछौँ ।’ उनले आम नागरिकलाई ढुक्क रहन आग्रह गर्दै सरकारलाई सही ढङ्गले गन्तव्यमा पु¥याउने प्रतिवद्धता समेत व्यक्त गरेका छन्।
सरकार लक्ष्यबाट विमुख भए हस्तक्षेप गर्छौंः रवि लामिछाने

काठमाडौँ।राष्ट्रिय स्वतन्त्र पार्टी (रास्वपा) का सभापति एवं पूर्वउपप्रधानमन्त्री रवि लामिछानेले सरकारले आफ्नो लक्ष्य र वाचाअनुसार काम नगरे पार्टीले हस्तक्षेप गर्ने बताएका छन् । सरकारको कार्यशैली र स्थायित्वका विषयमा टिप्पणी गर्दै उनले सरकार बाटोबाट विचलित भए

नेपालको पहिलो ‘कमेडी एक्ट’ रियालिटी शो ‘सुपर कमेडी लिग’ को घोषणा, राजेश हमाल मुख्य निर्णायक
नेपालको पहिलो ‘कमेडी एक्ट’ रियालिटी शो ‘सुपर कमेडी लिग’ को घोषणा, राजेश हमाल मुख्य निर्णायक

काठमाडौँ। नेपालको पहिलो ‘कमेडी एक्ट’ मा आधारित रियालिटी शो ‘सुपर कमेडी लिग’ को औपचारिक घोषणा गरिएको छ । ओपन डोर्स इन्टरटेनमेन्ट प्रा.लि.को निर्माणमा तयार हुन लागेको यस कार्यक्रमको बिहीवार ललितपुरमा आयोजित एक पत्रकार सम्मेलनमार्फत घोषणा

‘अग्रगामी मोर्चा’को अवधारणा सार्वजनिकः २८ बुँदे लक्ष्य र सांगठनिक संरचना प्रश्ताव
‘अग्रगामी मोर्चा’को अवधारणा सार्वजनिकः २८ बुँदे लक्ष्य र सांगठनिक संरचना प्रश्ताव

काठमाडौँ।अग्रगामी मोर्चा’को अवधारणा र २८ बुँदे उद्देश्यहरू सार्वजनिक गरिएको छ । पूर्वमन्त्री एवं प्रगतिशील लोकतान्त्रिक पार्टीका नेता जनार्दन शर्माले ‘अग्रगामी मोर्चा’को अवधारणा र २८ बुँदे उद्देश्यहरू सार्वजनिक गरेका छन् । मुलुकको पछिल्लो राजनीतिक अवस्था, संघीय

काठमाडौँ।जनमत पार्टीका अध्यक्ष डा. चन्द्रकान्त राउतले विभिन्न राजनीतिक दल र समूह मिलेर गठन गरिएको अग्रगामी मोर्चा सत्ता प्राप्तिका लागि नभएको बताएका छन् । शनिवार आयोजित अग्रगामी मोर्चा घोषणा कार्यक्रममा अध्यक्ष राउतले संविधानवाद, संघीय लोकतान्त्रिक गणतन्त्र र प्राप्त राजनीतिक उपलब्धिको रक्षाका लागि मोर्चा गठन गरिएको बताएका हुन् । उनले देशमा राजनीतिक दल र नेतृत्वप्रति जनताको निराशा बढिरहेका बेला नयाँ राजनीतिक मोर्चाको गठन आवश्यक परेको दाबी गरेका छन् । हाल मुलुक अराजकता तर्फ धकेलिएको उहाँको आरोप छ । अराजकतालाई परास्त गरेर देशलाई संविधानवादमा संचालन गर्न लोकतान्त्रिक, सामाजिक लोकतान्त्रिक, क्रान्तिकारी र समाजवादी धारका शक्तिहरूलाई समेटेर अग्रगामी मोर्चा गठन गरिएको बताए । उहाँले देश संविधान र विधिअनुसार सञ्चालन हुनुपर्नेमा मौखिक आदेश वा मनोमानी रुपमा संचालन भईरहेको पनि आरोप लगाएका छन् । लोकतन्त्र, गणतन्त्र, संघीयता, समानुपातिक समावेशिता, धर्मनिरपेक्षता, प्रेस स्वतन्त्रता र मानव अधिकारलगायतका उपलब्धिको रक्षामा मोर्चा अग्रपक्तीमा रहने उनको भनाई छ । मोर्चा गठनपछि सत्तामा रहेका केही व्यक्तिहरूले आफ्नो पद जोखिममा परेको ठानेको भन्दै उनले कसैको कुर्सी खोस्ने आफूहरुको लक्ष्य नरहेको बताएका छन् । तर सत्तामा रहेकाहरूले संविधान र संघीय लोकतान्त्रिक गणतन्त्रका मूल्य–मान्यताअनुसार शासन सञ्चालन गर्नुपर्ने उनको भनाई छ । उनले भने, ‘हामी यहाँ संविधानवाद चाहन्छौं । देशलाई संविधान अनुसार चलोस्, विधिसम्मत तरिकाले चलोस्, ल एन्ड अर्डरमा चलोस् । कसैको मौखिक कानुन अनुसार होइन, संविधान अनुसार चलोस् भन्ने कुरा, भन्ने प्रयोजन, भन्ने उद्देश्य राखेर नै हामी यो अग्रगामी मोर्चा यहाँ गठन गरेका छौं । त्यही भएर हामी सबैलाई अनुरोध पनि गर्न चाहन्छौं कि विगतमा पनि हामीबाट गल्तीहरु भएका होलान् । त्यो मोर्चा बनाउँदाखेरि होस्, पार्टी हाँक्दाखेरि होस्, जनताको बीचमा जाँदाखेरि होस्, सरकार चलाउँदाखेरि होस्, ती सबै कमी कमजोरीहरुलाई समीक्षा गर्दै, त्यसलाई सुधार गर्दै आगामी दिनको लागि प्रतिवद्धता गर्दै हामी अगाडि बढ्नुपर्ने हुन्छ । त्यसको लागि पनि हामी प्रतिवद्ध भएर नै यहाँ जम्मा भएका छौं, त्यो पनि हामी यहाँ भन्न चाहन्छौं । केही साथीहरुलाई यो मोर्चाको घोषणा भए देखि केही यस्ता पनि पात्रहरु छन्, कुर्सी मा बसेका पात्रहरु छन् जसलाई लाग्छ हाम्रो कुर्सी खतरामा प¥यो कि । म उहाँहरुलाई पनि आश्वस्त पार्न चाहन्छु, यो मोर्चा संघर्षको लागि बनेको मोर्चा हो, सत्ता प्राप्तिको लागि हामीले गठबन्धन गरेका होइनौं । तपाईँहरु ढुक्क कुर्सी मा बस्नुस्, कुर्सीमा बसेर चलाउनुस् । हामी तपाईँहरुको कुर्सी खोस्नका लागि यो मोर्चा बनाएका होइनौं । तपाईँ कुर्सीमा बस्नुस् तर संविधानवादमा चल्नुस्, संघीय लोकतान्त्रिक गणतन्त्रको मूल्य मान्यता अनुसार चल्नुस्, लोकतान्त्रिक मूल्य मान्यता अनुसार चल्नुस्, त्यो चाहिँ हामी भन्न चाहन्छौं । हामीले जुन दशकौँ देखि संघर्ष गरेर ल्याएका मूल्य मान्यताहरु छन्, त्यसको रक्षा गर्नका लागि हिँड्नुस्, हाम्रो सहकार्य रहन्छ, हाम्रो सहयोग रहन्छ । हामी तपाईँलाई कुर्सीबाट फाल्नका लागि यहाँ आएका होइनौं भन्ने कुरा म सुरुमै उहाँहरुलाई डराएका मान्छेहरुलाई पनि हामीले यहाँबाट स्पष्ट पार्न चाहन्छौं । तपाईँहरु यहाँ देशका कुनाकाप्चाबाट आउनुभएको छ, तपाईँहरु पनि यहाँबाट जाँदाखेरि सकारात्मक सन्देश लिएर जानुस् । जुन जनतामा एउटा निराशा थियो कि हैन अब हाम्रो अभिभावक कोही रहेनन् कि, हाम्रो घरमा डोजर लगाइदिँदा होस् कि हामीमाथि कुनै घरमा आगो नै लगाइदिँदा होस् कोही हामीलाई रक्षा गर्ने कोही भएनन् कि, कोही हाम्रा लागि बोलिदिने भएनन् कि, कोही हाम्रा लागि हेरिदिने भएनन् कि, कोही हाम्रा लागि झगडा मिलाइदिने भएनन् कि, त्यो अब रिक्तता यहाँबाट पूरा होस् । तपाईँहरु यहाँबाट गएपछि भन्नुस् कि अब यो अराजकता रहँदैन । अब यो अभिभावक विहीन अवस्था रहँदैन। अब यो अग्रगामी मोर्चा आइसकेको छ, हामी तपाईँको अभिभावक हौं भनेर आफ्नो गाउँ टोलमा पनि सबैलाई आश्वस्त बनाउनुहोस् । त्यही सकारात्मक सन्देश लिएर जानुहोस् ।’ राउतले मोर्चाको गठनले जनतामा देखिएको राजनीतिक निराशा र ‘अभिभावकविहीन’ अवस्थाको अनुभूति अन्त्य गर्ने दाबी गरेका छन् । उनले मोर्चामा आवद्ध नेता–कार्यकर्तालाई गाउँ–टोलसम्म पुगेर जनतालाई राजनीतिक अराजकता अन्त्य गर्ने सन्देश दिन आग्रह पनि आग्रह गरेका छन् । जनता समाजवादी पार्टी नेपाल, जनमत पार्टी, आम जनता पार्टी, प्रगतिशील लोकतान्त्रिक पार्टी, नागरिक उन्मुक्ति पार्टी नेपाल, नेपाल संघीय समाजवादी पार्टी, बहुजन एकता पार्टी नेपाल लगायतका राजनीतिक दलहरुले संयुक्त रूपमा अग्रगामी मोर्चा घोषणा गठन गरेका छन् ।
अग्रगामी मोर्चा सत्ता प्राप्तिका लागि होइन, संविधानवादको रक्षाका लागि होः चन्द्रकान्त राउत

काठमाडौँ।जनमत पार्टीका अध्यक्ष डा. चन्द्रकान्त राउतले विभिन्न राजनीतिक दल र समूह मिलेर गठन गरिएको अग्रगामी मोर्चा सत्ता प्राप्तिका लागि नभएको बताएका छन् । शनिवार आयोजित अग्रगामी मोर्चा घोषणा कार्यक्रममा अध्यक्ष राउतले संविधानवाद, संघीय लोकतान्त्रिक गणतन्त्र

ताजा समाचार

काठमाडौँ । विपक्षी दलहरु नेपाली काँग्रेस र एमालेले संसद तत्काल बोलाउन सभामुख डोलप्रसाद अर्यालसँग माग गरेका छन् ।
संसद बैठक तत्काल बोलाउन सभामुखसँग काँग्रेस र एमालेको माग
न्यायधीशमाथीको महाभियोगबारे सत्तारुढ दलले विपक्षी दलसंग संवाद गर्नुपर्छः आङ्देम्बे
न्यायधीशमाथीको महाभियोगबारे सत्तारुढ दलले विपक्षी दलसंग संवाद गर्नुपर्छः आङ्देम्बे
काठमाडौँ ।नेपाली काँग्रेसका नेता डा. प्रकाशशरण महतले राष्ट्रिय स्वतन्त्र पार्टीको नेतृत्वमा रहेको सरकारको कार्यशैलीप्रति असन्तुष्टि व्यक्त गरेका छन् ।
रास्वपा नेतृत्वको सरकारले जनअपेक्षाअनुसार काम गरेनः प्रकाशशरण महत
काठमाडौँ । कानून, न्याय तथा संसदीय मामिलामन्त्री सोविता गौतमले फौजदारी कानून आकर्षित हुने विषयमा मेलमिलापको व्यवस्था लागू नहुने बताएकी छिन् । कानून, न्याय तथा मानव अधिकार समितिमा मंगलवार मेलमिलाप सम्बन्धी (दोस्रो संशोधन) विधेयक, २०८३ माथिको छलफलमा मन्त्री गौतमले फौजदारी कसुर, घरेलु हिंसा तथा लैङ्गिक हिंसासम्बन्धी मुद्दामा मेलमिलापको नीति लागू नहुने स्पष्ट पारेकी हुन् । फौजदारी कानुन आकर्षित हुने अपराधलाई मेलमिलापको प्रक्रियाबाट समाधान गर्न नसकिने उनको भनाई छ । समाजमा दीर्घकालीन असर नपार्ने तथा व्यक्तिबीच उत्पन्न हुने निश्चित प्रकृतिका विवाद र वाणिज्यसम्बन्धी विवादलाई भने मेलमिलापमार्फत समाधान गर्न सकिने उनले बताइन् । उनले अदालतमा पुगेका विवादलाई कम खर्चिलो, सहज र छिटो प्रक्रियाबाट समाधान गर्न मेलमिलाप सम्बन्धी ऐन, २०६८ लाई संशोधन गर्न लागिएको जानकारी दिइन् । अदालतको लामो प्रक्रिया, समय र खर्चका कारण न्याय प्राप्तिमा हुने ढिलाइ कम गर्दै विवादका दुवै पक्षलाई चित्तबुझ्दो समाधान उपलब्ध गराउने उद्देश्यले विधेयक ल्याएको उनको दाबी छ । विधेयकमा पाँचभन्दा बढी न्यायाधीश कार्यरत रहेका अदालतमा प्रधानन्यायाधीशले तोकेको न्यायाधीशबाट मेलमिलापसम्बन्धी प्रक्रिया अघि बढाउने प्रस्तावसमेत गरिएको छ । तर, न्यायाधीश स्वयंले मेलमिलाप गराउने व्यवस्थाको उपयुक्तताबारे समितिका सदस्यहरूले प्रश्न उठाएका थिए । यसमा जवाफ दिँदै मन्त्री गौतमले विवादका पक्षहरू अन्ततः न्यायाधीशसमक्ष पुग्दा न्याय निरूपणप्रति विश्वास र ढुक्क हुने अवस्था सिर्जना हुन सक्ने भएकाले उक्त व्यवस्था प्रस्ताव गरिएको बताइन् । उनले मेलमिलापकर्ताको शैक्षिक योग्यतासम्बन्धी व्यवस्थामा पनि लचकता अपनाइएको जानकारी दिइन् । सामान्य अवस्थामा स्नातक तह उत्तीर्ण गरेको व्यक्ति मेलमिलापकर्ता हुनुपर्ने व्यवस्था प्रश्ताव गरिएपनि दुर्गम क्षेत्रमा त्यस्तो योग्यता भएको व्यक्ति उपलब्ध नभएमा माध्यमिक तह उत्तीर्ण वा सोसरहको शैक्षिक योग्यता भएको व्यक्तिले पनि मेलमिलापकर्ताका रूपमा काम गर्न सक्ने व्यवस्था राखिएको उनको भनाई छ । उनले भनिन् , ‘दुई पक्ष अथवा दुई भन्दा बढी पक्षहरुको जुन झगडा हुन्छ, त्यो झगडा अदालती प्रक्रियामा गइसकेपछि लामो समय लाग्ने, त्यसका आफ्नै जटिलताहरु हुने, त्यसका खर्चहरु पनि तिनै प्रकृतिका हुने र न्याय सम्पादनमा जसले समस्या परेर अदालतको ढोकासम्म गएको हो, त्यहाँ जाँदाखेरि चाहिँ समयमै न्याय पाउनको लागि प्रक्रियागत विषयले गर्दा ढिलाइ हुने कारणहरुलाई कसरी कम खर्चिलो बनाउन सकिन्छ, कसरी सहज बनाउन सकिन्छ, कसरी दुइटा पक्षलाई चाहिँ नि चित्तबुझ्दो ढंगबाट उपाय दिन सकिन्छ भन्ने कोणबाट सोचेर नै यो मेलमिलाप सम्बन्धी ऐनलाई संशोधन गरेको हो । विशेष गरी अब मेलमिलापको माध्यमबाट छिटोछरितो र सरल प्रक्रियाबाट विवादको समाधान गर्नमा चाहिँ हामीले के–के गर्न सक्छौँ भन्ने कुराहरु नै बढी रुपमा यसमा राखिएको छ । विवाद समाधान गर्नको लागि ५ भन्दा बढी न्यायाधीश कार्यरत रहेको अदालतमा प्रधान न्यायाधीशले तोकेको न्यायाधीशबाट गर्ने भन्नेछ, तर अब त्यो न्यायाधीशले गर्ने कि नगर्ने भन्ने प्रश्नहरु पनि माननीय ज्युहरुले राख्नुभएको छ । हामीले लामो छलफल गरिसक्दाखेरि झगडियाहरुको न्याय निरुपण न्यायाधीशले गर्दाखेरि मान्छेले अलिकति ढुक्क महसुस गर्ने खालको वातावरण चाहीँ हुन्छ । प्राय त्यो खालको अन्डरस्ट्यान्डिङ हुन्छ । त्यही भएर यसो गर्दा उपयुक्त होला कि भनेर हामीले यो राख्यौँ । कतिपय ठाउँमा मेलमिलापकर्ता ब्याचलर पास गरेको हुनुपर्ने भन्ने छ, तर दूरदराजहरुमा त्यस्तो ब्याचलर पास गरेको व्यक्ति नभेटियो भने के गर्ने भन्ने सवालमा हामीले चाहिँ नभेटिएको खण्डमा मात्रै कम्तीमा माध्यमिक तहको शिक्षा उत्तीर्ण गरेको वा सोसरहको शैक्षिक योग्यता भएको व्यक्तिले मेलमिलापकर्ताको रुपमा काम गर्न सकिने कुराहरु पनि राखेका छौँ । समाजमा धेरै खालका डोमेस्टिक भायोलेन्सका इन्सिडेन्टहरु हुन्छन्, घरेलु हिंसाका भए, लैंगिक हिंसाहरु हुन्छन्, धेरै कुराहरु हुन्छन् । ती पनि मेलमिलापको माध्यमबाट मिल्छन् कि भन्ने खालका कुराहरु पनि छन्, तर अब हामी स्पष्ट हुनुपर्छ, जे विषय फौजदारी कानुन आकर्षित हुन्छन् । ती विषयहरुमा मेलमिलाप हुँदैन । यो भनेको विशुद्ध वाणिज्यका विषयहरु, जसले समाजमा दीर्घकालीन असर पर्दैनन्, व्यक्तिका आफ्ना वादविवादका विषयहरु छन् भनेदेखि यसबाट सुल्झाउन सकिन्छ । मेलमिलापको माध्यमबाट हामीले मुद्दाहरु समाधान गर्न सहजीकरण गर्यौँ भनेदेखि समय पनि छोटो लाग्ने भयो, दुइटा पक्षको चित्त पनि बुझ्ने भयो, छिटो न्याय निरुपण हुने भयो भन्ने कोणबाट नै हो । यसलाई हामीले प्राथमिकतामा राख्नुको कारण पनि यही नै हो ।’ समितिमा सांसदहरूले विधेयकमाथि राखेका संशोधन प्रश्तावलाई दफावार छलफलका क्रममा सम्बोधन गर्न सरकार तयार रहेको उनले जानकारी दिएकी छिन् ।
फौजदारी कानून आकर्षित हुने विषयमा मेलमिलापको व्यवस्था लागू हुँदैनः सोविता गौतम
माधवकुमार नेपालसहित ९७ जनाविरुद्ध भ्रष्टाचार मुद्दा दर्ता
माधवकुमार नेपालसहित ९७ जनाविरुद्ध भ्रष्टाचार मुद्दा दर्ता
सुदूरपश्चिम रोयल्सको दोस्रो जित
सुदूरपश्चिम रोयल्सको दोस्रो जित
सात जना नेपाली खेलाडीमा जिताउने क्षमता छ: करण केसी
सात जना नेपाली खेलाडीमा जिताउने क्षमता छ: करण केसी
काँग्रेसको १५ औँ महाधिवेशनबाट निर्वाचित केन्द्रिय कार्यसमिति अद्यावधिक गर्न निर्वाचन आयोग पुग्यो
काँग्रेसको १५ औँ महाधिवेशनबाट निर्वाचित केन्द्रिय कार्यसमिति अद्यावधिक गर्न निर्वाचन आयोग पुग्यो
नियुक्ति सिफारिस पारदर्शी बनाउन सरकारलाई निर्देशन दिन्छौँः सभापति श्रेष्ठ
नियुक्ति सिफारिस पारदर्शी बनाउन सरकारलाई निर्देशन दिन्छौँः सभापति श्रेष्ठ
विचौलिया प्रकरणमा सरकार आफैँ मुछिएको छ, यसको स्वतन्त्र छानविन सरकारले गर्न सक्दैनः महामन्त्री पौडेल
विचौलिया प्रकरणमा सरकार आफैँ मुछिएको छ, यसको स्वतन्त्र छानविन सरकारले गर्न सक्दैनः महामन्त्री पौडेल

एक्युरेट मल्टिमिडिया प्रा. लि.

अध्यक्ष तथा प्रबन्ध निर्देशक: मोहन राज पाण्डे                
सम्पादक: सिता देवी चिमौरिया              
सूचना बिभागमा दर्ता नं: ३७६९-२०७९/८०
प्रेस काउन्सिल दर्ता नं: ३७५८

About Us

Accurate Khabar is an online news portal that aims to provide its readers with accurate and reliable information from around the world. We strive to be a one-stop destination for all your news and information.

Contact

Accurate khabar
Headquarter : New Baneshwor Kathmandu
Phone: +977-9801178152 , +977-9851329511
Advertisement: [email protected]

Quick links

आर्थीक
सामाजिक
राजनैतिक
हाम्रो बारे
सम्पर्क
विज्ञापन
Privacy Policy
©2022 accuratekhabar.com सर्वाधिकार
Powered By: