दिउँसो सुत्ने वानी छ ? आउनसक्छ यस्ता गम्भीर समस्याहरु

एजेन्सी । सामान्यतया हामीले २४ घन्टामा ८ घण्टा काम,८ घण्टा आराम र ८ घण्टा मनोरञ्जन गर्नु शास्त्र र आयुर्वेदले राम्रो जिवनशैली मानेको छ ।

तर पनि हाम्रो कतिपय जीवनशैलीलाइ समय अनुसार निर्धारण गर्न नसक्दा हामीले दुख पाइरहेको हुन्छौ। यसकारण हामीले हामीले गर्ने काम तालिका अनुसार निर्धारण गर्नुपर्ने हुन्छ। किनकी दिउँसोको समयमा काम गर्नु र रातिको समयमा सुत्नु स्वास्थ्यका लागि राम्रो मानिन्छ ।

तर, कोही यस्ता व्यक्तिहरु पनि छन् उनीहरुलाई दिउँसो सुत्ने बानी नै परेको हुन्छ ।तर शास्त्र र आयुर्वेदका अनुसार दिउँसो सुत्नु राम्रो मानिदैन । आयुर्वेदका अनुसार, दिउँसो सुत्दा पाचनप्रणालीमा गडबडी हुन्छ र खाना समेत राम्रो सँग पच्दैन । जसका कारण कब्जियत, ग्यास, अपच लगायत समस्या देखा पर्छन् ।

यतिमात्र होइन दिउँसो सुत्दा ज्वरो आउने, गलासम्बन्धी समस्या देखिने, स्मरण शक्ति कमजोर हुने, अंग फुल्ने, आलस्य बढ्ने लगाएत समस्या देखिने समेत आयुर्वेदमा उल्लेख छ । यसका साथ साथै धार्मिक मान्यताले पनि दिउँसो सुत्न निषेध गरेको छ । दिउँसो सुत्ने मानिसको घरमा लक्ष्मीको वास नहुने मान्यता रहि आएको छ ।

तर केही बृद्ध/बृद्धा, बालबच्चा, विरामी मानिसका लागि भने आराम बढी चाहिने हुँदा दिउँसो सुत्नु आवश्यक छ ।