१२ श्रावण २०८१, शनिबार
काठमाडौं । संघीय संसदको संसदीय सुनुवाइ समितिको बैठक सोमबारका लागि बोलाइएको छ ।
सोमबार बस्ने बैठकमा निर्वाचन आयुक्तमा सिफारिस कृष्णमान प्रधानको नाम अनुमोदन गर्ने वा नगर्ने विषयमा निर्णय गर्न बैठक बोलाइएको हो । २ असारमा संवैधानिक परिषदको बैठकले निर्वाचन आयुक्तमा सिफारिस गरेको प्रधानलाई त्यसपछि संसदीय सुनुवाइ समितिले उजुरी आह्वान गर्दा एक महिलाले आफूलाई प्रधानले यौन शोषण गरेको उजुरी दिएकी थिइन् ।
यौन शोषण गरेको उजुरी दिएकी उजुरीकर्तासँग र प्रधानसँग त्यसपछि संसदीय सुनुवाइ समितिले छलफल गरेको थियो। त्यसपछि बैठक स्थगित भएको थियो। अब सोमबारको बैठकले उनको अनुमोदन गर्ने वा नगर्ने निर्णय गर्ने एक सांसदले बताए ।
प्रकाशित मिति: १२ श्रावण २०८१, शनिबार
