२ बैशाख २०८१, आईतवार
काठमाण्डौ, धादिङमा ट्रक दुर्घटना हुँदा एक जना बालकको मृत्यु भएको छ। निलकण्ठ नगरपालिका वडा नम्बर ५ खाल्टे भन्ने स्थानमा मल बोक्न जाँदै गरेको ट्रक दुर्घटनामा परेको जिल्ला प्रहरी कार्यालयका प्रहरी निरीक्षक अभय लामाले जानकारी दिएका हुन्। दुर्घटना आइतबार बिहान करिब ११ बजे भएको हो।
उनका अनुसार दुर्घटनामा एक जनाको मृत्यु र ८ जना घाइते भएका छन्। मृत्यु हुनेमा सोही वडाका राम रम्तेलका १० वर्षीय छोरा सन्तोष रहेका छन्। अन्य ८ घाइतेको उपचारका लागि जिल्ला अस्पताल धादिङ लगिएको छ। चालकको पहिचान खुलिसकेको छैन। दुर्घटना कसरी भएको भन्नेबारे पनि प्रहरीले अनुसन्धान गरिरहेको छ।
प्रकाशित मिति: २ बैशाख २०८१, आईतवार
