राष्ट्रिय महिला भलिबल प्रतियोगिताको उपाधि एपीएफलाई

रुपन्देही । प्रथम लुम्बिनी कप राष्ट्रिय महिला भलिबल प्रतियोगिताको उपाधि विभागीय एपीएफ क्लबले हात पारेको छ ।

पाल्पामा भएको फाइनल खेलमा दुई सेटमा बागमती प्रदेशलाई रोक्दै उपाधि विभागीय एपिएफले हात पारेको हो । लगातार दुई खेल जितेको बागमतीसँग दवावमा परेको एपिएफले त्यसपछिका तीन खेलमा जित निकालेर उपाधि जितेको हो । प्रतियोगितामा उपाधि विजेता एपिएफले शिल्ड मेडलसहित २ लाख ५० हजार रुपैयाँ नगद पुरस्कार प्राप्त गरेको छ ।

प्रतियोगितामा फाइनलमा हारेका वागमती प्रदेश दोस्रो स्थानमा समेटिएको छ । प्रतियोगितामा दोस्रो स्थानमा समेटिएको वागमती प्रदेशले शिल्ड मेडलसहित १ लाख ५० हजार रुपैयाँ नगद पुरस्कार प्राप्त गरेको छ । फाइनलमा प्रतिस्पर्धा गरेको विभागीय एपिएफले सेमीफाइनलमा कोशी प्रदेश र बागमती प्रदेशले लुम्बिनी प्रदेशलाई रोक्दै फाइनलमा प्रतिस्पर्धा गरेका हुन् ।

फागुन १८ देखि सुरु भएको प्रतियोगितामा सातवटै प्रदेश र विभागिय एपिएफ क्लबसहित ८ वटा टीमले प्रतिस्पर्धा गरेका थिए ।