२५ पुष २०८०, बुधबार
काठमाडौं। नेकपा माओवादी केन्द्रले स्थायी कमिटीको बैठक बोलाएको छ । चार महिने जनतासँग माओवादी विशेष रूपान्तरण अभियानको समीक्षा गर्नको लागि बैठक बोलाएको हो।
अभियानको समीक्षा भइरहेका भन्दै शनिबार बस्नेगरी बैठक थप छलफल हुने सचिव राम कार्कीले बताएका छन्। उनका अनुसार बैठक बस्ने स्थान र समय भने अहिलेसम्म तोकिएको छैन ।
त्यस्तै, माओवादीले भदौ १६ देखि पुस १६ सम्म चार महिने अभियान चलाएको थियो । सचिव कार्कीले अभियानले कार्यकर्ता तहमा हलचल आएपछि जनता तहसम्म नपुगेको बताएका छन् ।
उनले बैठकमा जनताबाट आएको गुनासो, सुझाव असन्तुष्टि लगायतको विषयमा पार्टी बैठकमा छलफल भएर निष्कर्ष निकाल्ने बताएका छन् ।
प्रकाशित मिति: २५ पुष २०८०, बुधबार
