२२ पुष २०८०, आईतवार
काठमाडौं। सत्ता गठबन्धन दलहरूबीच राष्ट्रिय सभा निर्वाचनको भागबन्डाको मुद्दा पेचिलो बन्दै गएको छ। सत्ताधारी दलहरूबीच अझैपनि राष्ट्रिय सभा निर्वाचनको सिटसम्बन्धी विवाद कायमै रहेको छ । सो विवाद मिलाउन गठबन्धन दल र तीनका शीर्ष नेताहरू आज बिहान पनि छलफलमा जुट्ने भएका छन्।
नेकपा समाजवादीका अध्यक्ष माधवकुमार नेपालले अहिलेसम्मको सहमतीमा चित्त बुझाएका छैनन् । उनले आफ्नो पार्टीले तीन सिट पाउनुपर्ने अडान राख्दै आएका छन् । आजको छलफलमा उनको मागलाई सम्बोधन गर्ने प्रयास गरिने जानकारी एक नेताले दिएका छन् ।
त्यस्तै, सत्तारुढ दलहरूले यसअघि कुन प्रदेशबाट कुन दलको उम्मेदवार निर्वाचन उठ्ने भन्ने कुरा लगभग निक्यौल गरिसकेका छन्। ती दलका नेताहरूको बैठक अहिले बिहान ८ बजे बस्ने जनाइएको छ ।
यी दलहरू १९ सिटमा भागबण्डा मिलाउने प्रयास गरिरहेका छन् भने यसअघि भएका सहमति अनुसार सात वटै प्रदेशको लगभग भागबण्डा मिलि सकेको छ।
प्रकाशित मिति: २२ पुष २०८०, आईतवार
