१७ पुष २०७९, आईतवार
नेपाली कांग्रेसका सभापति एवं पूर्वप्रधानमन्त्री शेरबहादुर देउवाले पार्टीका केन्द्रीय सदस्य एवं प्रतिनिधिसभा सदस्य अम्बिका बसनेतकी ममतामयी माता कपिलकुमारी बसनेतको निधनप्रति दुःख व्यक्त गर्नुभएको छ ।
कपिलकुमारी बसनेतको आज काठमाडौँस्थित आफ्नै निवासमा ९८ वर्षको उमेरमा निधन भएको हो । सभापति देउवाले शोक विज्ञप्तिमार्फत उहाँप्रति श्रद्धाञ्जली अर्पण गर्दै आत्माको चिरशान्तिको कामनाका साथ केन्द्रीय सदस्य बसनेतलगायत शोकसन्तप्त परिवारजनमा समवेदना प्रकट गर्नुभएको छ ।
स्व बसनेतले नेपालको लोकतान्त्रिक आन्दोलनहरुमा सक्रिय भूमिका निर्वाह गर्नुभएको थियो । उहाँको निधनबाट कांग्रेसले एक अग्रज व्यक्तित्वलाई गुमाएको जनाएको छ ।
प्रकाशित मिति: १७ पुष २०७९, आईतवार
