राष्ट्रिय समाचार समिति (रासस)कर्मी विजय रावत पुरस्कृत

जुम्ला।  स्व. दीपबहादुर स्मृति क्रियाशील पत्रकारिता पुरस्कार जुम्लाका क्रियाशील पत्रकार तथा राष्ट्रिय समाचार समिति (रासस) जुम्ला संवाददाता विजय रावतलार्ई प्रदान गरिएको छ । आज यहाँ आयोजित कार्यक्रममा रावतलाई उक्त पुरस्कार प्रदान गरिएको हो । प्रतिष्ठानले प्रत्येक वर्ष जुम्ला र बाँके जिल्लाका क्रियाशील पत्रकारलाई रू १० हजार राशिको उक्त पुरस्कार वितरण गर्दै आएको छ । आज आयोजित पुरस्कार वितरण कार्यक्रममा तातोपानी गाउँपालिका अध्यक्ष नन्दप्रसाद चौलागाईं र नेपाल पत्रकार महासंघ जुम्लाका अध्यक्ष नेत्रबहादुर शाहीले विकट स्थानमा बसेर पत्रकारिता गरिहेकालाई पुरस्कारले हौसला दिने काम गरेको टिप्पणी गरे ।