३ आश्विन २०८०, बुधबार
३ असोज, काठमाडौं । बिपी साहित्य महोत्सवको तेस्रो दिनको स्थगित कार्यक्रम सानेपामा जारी छ ।बिपी साहित्य महोत्सव भाद्र २४ र २५ गते दुई दिन सम्पन्न भएपछि संविधान सभाका अध्यक्ष एवं नेकपा (एमाले) का उपाध्यक्ष सुवासचन्द्र नेम्वाङको आकस्मिक निधनका कारण स्थगन भएको थियो ।
स्थगित भएको तेस्रो र अन्तिम दिन (भाद्र २६ गते) को कार्यक्रम संविधान दिवसको अवसरमा असोज ३ गते विहान १०ः३० बजेदेखि साँझ ५ः०० बजेसम्म पार्टीको केन्द्रीय कार्यालयमा आयोजना हुनेछ । सो दिनको कार्यक्रममा तपसीलका विषयमा विषयगत विज्ञहरुबाट अन्तरक्रियात्मक प्रस्तुति रहनेछन् ।
१. बिपीको समाजवादी परिकल्पनामा शिक्षा (keynote speech)
२. समावेशिता, सामाजिक रुपान्तरण र बिपी
३. समय र सबाल्र्टन
४. बिपीका आख्यानमा नारी
५. परिवारले बुझेका बिपी
६. बिपीको विचार, आजको संविधान र अबको बाटो
प्रकाशित मिति: ३ आश्विन २०८०, बुधबार
