२२ श्रावण २०८०, सोमबार
२२ श्रावण, काठमाैँ । नेपाल राष्ट्र बैंकले आ.व. २०७९-८० को चौथो त्रयमासमा ‘क’ वर्गका ३ वाणिज्य बैंक र बैंकका अध्यक्ष, सञ्चालक र प्रमुख कार्यकारी अधिकृतलाई कारबाही गरेको छ ।
राष्ट्र बैंकले तोकेका नियम तथा कार्यविधि पालना नगरेको पाइएपछि उक्त संस्था र प्रमुखहरूमाथि कारबाही गरिएको जानकारी दिइएको छ ।
कारबाहीमा पर्नेमा प्राइम कमर्सियल बैंक लिमिटेड, कुमारी बैंक लिमिटेड र हिमालयन बैंक लिमिटेड रहेका छन् ।
प्राइम कमर्सियल बैंकले ‘क’, ‘ख’ र ‘ग’ वर्गका इजाजतपत्रप्राप्त संस्थालाई जारी गरिएको बमोजिम कायम गर्नुपर्ने कर्जा नोक्सानी व्यवस्था कायम नगरेको, Capital Adequency Framework 2015 अनुसार जोखिम भारित सम्पत्ति गणना गर्दा वास्तविक भन्दा कम राखेको पाइएको छ ।
त्यस्तै, कुमारी बैंक लिमिटेडले ५९ लाख ६३ हजार ६९४ रूपैयाँ २२ पैसा (२०७९ माघ महिनामा कर्जा/निक्षेप अनुपात कायम नगरेको ) र हिमालयन बैंक लिमिटेडले १ करोड ३९ लाख ४७ हजार २८ रूपैयाँ २४ पैसा (२०७९ कार्तिक महिनामा कर्जा/निक्षेप अनुपात कायम नगरेको) पाइएको राष्ट्र बैंकले जानकारी दिएको छ ।
प्रकाशित मिति: २२ श्रावण २०८०, सोमबार
