१४ श्रावण २०८०, आईतवार
१४ श्रावण, काठमाडाैँ । नेकपा (माओवादी केन्द्र) को पदाधिकारी आइतबार बालुवाटारमा दिउँसो ३ बजे बस्दैछ ।
माओवादी केन्द्रीय कार्यालयका मुख्य सचिव श्रीराम ढकालले साउन १ गते बस्ने भनिएको केन्द्रीय समितिको बैठकको तयारी सम्बन्धमा आजको पदाधिकारी बैठकमा छलफल हुने जानकारी दिए ।
उनले भने, “केन्द्रीय समितिको बैठकको तयारी सम्बन्धमा हो । एजेण्डा तय गर्ने लगायत यसैको सम्बन्धमा छलफल हुन्छ ।”
उनले पदाधिकारी बैठकमा पार्टी अध्यक्षले राजनीतिक प्रतिवेदन तयार गर्न सबैको सुझाव लिने बताए ।
उनले भने, “हिजोको बैठक टुङ्गोमा पुगेको छैन । अध्यक्षले बुँदागत रूपमा सुझाव दिनुस् भन्नुभएकाे छ । प्राप्त भएका सुझाव एकीकृत गरेर प्रतिवेदन तयार गर्ने हो ।”
माओवादी केन्द्रको केन्द्रीय समितिको बैठक साउन १७ गते बिहान ११ बजे प्रज्ञा भवनमा बस्दै छ ।
माओवादी पदाधिकारी बैठक हिजो शनिबार पनि बालुवाटारमा बसेको थियो ।
प्रकाशित मिति: १४ श्रावण २०८०, आईतवार
