रविले चुनाव जितेको क्षेत्रमा आफूलाई सांसद कायम गराउन माग राख्दै आयोग जाँदै पुर्वमन्त्री श्रेष्ठ

काठमाडौ : चितवन क्षेत्र नं. २ मा नेपाली कांग्रेसका उम्मेदवार उमेश श्रेष्ठले चितवन २ मा आफूलाई निर्वाचित गर्न निवेदन दिने भएका छन् ।

उनले आज ११.३० बजे निर्वाचन आयोगमा निवेदन दर्ता गर्न लागेका हुन् । पूर्वराज्यन्त्री तथा संघीय संसदको निर्वाचनमा चितवन क्षेत्र नं २ मा पराजित उम्मेदवार उमेश श्रेष्ठले आफूले दोस्रो मत पाएकाले सो स्थानमा आफूलाई सांसद् कायम गर्न माग गर्दै आयोग जान लागेका हुन् ।

यस क्षेत्रमा रवि लामिछाने निर्वाचित भएका थिए । लामिछानेको नागरिकता विवाद मुद्दामा सर्वोच्च अदालतले उनको सांसद पद खारेज गरेको थियो ।यससँगै यहाँ उपनिर्वाचनको चर्चा चलिरहेको छ ।