१० असार २०८०, आईतवार
१० असार, काठमाडाैँ । काठमाडाैँको स्विमिङ पुलमा डुबेर एक जनाको मृत्यु भएको छ।
कागेश्वरी मनोहरा नगरपालिका-७ स्थित शुभ श्री वेक्वेट ब्लु हेमनको स्विमिङ पुलमा डुबेर शनिबार दिउसो एक जनाको मृत्यु भएको हो । मृत्यु हुनेमा मुलपानी बस्ने १९ वर्षीय प्रभाश अधिकारी रहेका छन् ।
पाैडी खेल्नेक्रममा बेहोस भएका उनलाई पेप्सीकोलास्थित मदरल्याण्ड अस्पताल लगिएको थियो । तर, त्यहाँ उनको उपचार सम्भव नभएपछि सिभिल अस्पताल लगिएकोमा उपचारका क्रममा मृत्यु भएको हो ।
प्रहरीले यस विषयमा अनुसन्धान सुरू गरिसकेको जानकारी दिइएको छ ।
प्रकाशित मिति: १० असार २०८०, आईतवार
