४ जेष्ठ २०८०, बिहीबार
४ जेठ, कास्की । नेकपा एमालेका उपमहासचिव प्रदीप ज्ञवालीले भ्रष्टाचार र मानव बेचविखनको कोही पनि दोषी उम्कन नहुने बताएका छन् । उनले कुनै व्यक्ति मन परेन भनेर जवरजस्ती तान्न खोज्ने या मेरो मान्छे परो भनेर संरक्षण गर्न खोज्ने कुनै पनि गतिविधिहरु स्वकार्य नहुने बताए ।
प्रेस चौतारी कास्कीले बिहीबार पोखरामा आयोजित पत्रकार सम्मेलनमा उपहासचिव ज्ञवालीले आफ्ना नागरिकलाई अनागरिक बनाउनु जगन्य अपराध भएको बताएका हुन् ।
‘‘यो देशप्रतिको घात हो । यसमा संलग्न कसैलाई पनि उन्मुक्ति दिन सकिन्न । प्रहरीले गरेको अनुसन्धान निष्कर्षमा पुग्नको लागि सबै पक्षले आवश्यक सहयोग गर्न जरुरी छ ।’’ उनले भने ।
उनले नेपालमा अहिले भ्रष्टाचार डरलाग्दो रोगको रुपमा अगाडि आएको बताए ।
‘‘यसले हाम्रो सिस्टमलाई कोल्याप्स गर्छ कि, विश्वास टुटाउँछ कि भन्ने स्थिति देखा परेको छ । यस्ता कुराले जनताप्रति असन्तुष्टी, आक्रोश देखा परेको छ । यसले समाज अराजकतिर जान सक्ने जोखिम देखिएको छ ।’’ उनले भने ।
प्रकाशित मिति: ४ जेष्ठ २०८०, बिहीबार
