२० बैशाख २०८०, बुधबार
२० वैशाख, काठमाडाैँ । उपराष्ट्रपति कार्यालयका सचिव टेकनारायण पाण्डे पक्राउ परेका छन् । नक्कली भुटानी शरणार्थी बनाएर अमेरिका पठाउने ठगी धन्दामा अनुसन्धान गर्नका लागि केन्द्रीय प्रहरीले पाण्डेलाई पक्राउ गरेको हो ।
अहिले उनलाई प्रहरी परिसर टेकुमा राखिएको जानकारी दिइएको छ । प्रहरीले दिएको जानकारी अनुसार पुर्जी जारी भएपछि पाण्डेले आफै प्रहरीलाई सम्पर्क गरेका थिए ।
उनी काठमाडाैँको पेप्सीकोलाबाट पक्राउ परेका हुन् । प्रहरीले उनलाई पक्राउ गर्न अदालतबाट बुधबार नै पक्राउ पुर्जी लिएको थियो ।
प्रकाशित मिति: २० बैशाख २०८०, बुधबार
