२९ श्रावण २०८२, बिहीबार
काठमाडौँ। राष्ट्रिय मुक्ति पार्टी नेपालका अध्यक्ष राजेन्द्र महतोले एकल नश्लीय शासन प्रवृत्तिका कारण लोकतान्त्रिक व्यवस्था सबै नागरिकको बन्न नसकेको टिप्पणी गरेका छन् ।
बिहीवार जनता समाजवादी पार्टी र राष्ट्रिय मुक्ति पार्टी नेपालबीच कार्यगत एकता घोषणा कार्यक्रमलाई सम्बोधन गर्दै उनले यस्तो टिप्पणी गरेका हुन् । उनले लोकतन्त्र स्थापन भएको ३५ वर्ष पुग्दा समेत नागरिकले आफ्नो अधिकार पाउन नसकेको उनको भनाइ छ । उनले लोकतन्त्रमा समेत शासनको चरित्र एकल नश्लीय हुँदा जनताले अधिकारको प्रत्याभुति गर्न नसकेको टिप्पणी गर्दै अहिलेका शिर्ष तीन नेताहरु शेरबहादुर देउवा, केपी शर्मा ओली र पुष्पकमल दाहालमा समेत एकल नश्लीय शासन प्रवृत्ति हाबी भएको आरोप लगाएका छन् । उनले मुलुकमा लामो समयदेखि उत्पिडन व्याप्त रहेको भन्दै मुलुकले क्रान्ती खोजिरहेको टिप्पणी गर्दै सात वटा संविधान निर्माण हुँदापनि एउटै संविधान जनाताको बन्न नसकेको जिकिर गरेका छन् ।
उनले भने, ‘यो देशले क्रान्ती खोजिरहेको छ । यो देशमा उत्पिडन व्याप्त छ । यो आजैदेखि भएको होइन । नेपाल निर्माण हुँदै गर्दा जुन जगमा नेपालको निर्माण भएको हो त्यो जगमा शासन चलाइएन । जुन जगमा नेपालको निर्माण भयो सोही आधारमा शासन चलाउनुपथ्र्यो, संविधान निर्माण हुनुपथ्र्यो । त्यही नभएर नेपालमा समस्या आएको छ । २७० वर्षपहिले नेपाल निर्माण हुँदा काठमाडौंका नेवारहरु त एकता प्रक्रियामा सहभागि थिए । देशका सबे पहिचान मिलेपछि नेपाल एक भएको सत्य हो नि । सबैको कुरा छोडिदिउँ जहानिया रााणा शासनको मात्रै एक सय चा। वर्ष शासन भयो । त्यसपछि राजाहरुको वंशीय शासन चल्यो । तर लोकतन्त्र त हाम्रो आफ्नै शासन भन्या होइन ? ३५ वर्षदेखि यो देशमा लोकतन्त्र चलिरहेको छ ? यो बेलासम्म पनि किन पाएनौं हामीले आफ्नो अधिकार ? यो त पार्टीको शासन भनेको त आफ्नै शासन त हो । यो लोकतन्त्र पनि सबै नेपालीका लागि बन्न सकेन । किनभने यो लोकतन्त्रमा पनि शासनको चरित्र चाँही एकल नश्लीय भइदियो । ओली प्रवृत्ति एकल नश्लीय प्रवृत्ति हो, देउवा प्रवृत्ति एकल नश्लीय शासन प्रवृत्ति हो । प्रचण्ड प्रवृत्ति एकल नश्लीय प्रवृत्ति हो । देश एकल होइन अनि शासन चाँही एकल गर्ने ? यो देशको शासन र संविधान र शसन एकल भइदियो । यस्तो पनि हुन्छ । सात वटा संविधान बन्दा पनि एउटै संविधान जनताको लागि बन्दैन ।’
उनले संविधानहरु पटक पटक संशोधन हुँदा समेत जनताको समस्या समाधान गर्न नसकेको पनि टिप्पणी गरेका छन् ।
प्रकाशित मिति: २९ श्रावण २०८२, बिहीबार
