१५ चैत्र २०८१, शुक्रबार
काठमाडौँ। नेकपा (माओवादी केन्द्र)का अध्यक्ष पुष्पकमल दाहालले गणतन्त्रवादीहरुले जनताको अपेक्षाअनुसार काम गर्न नसकेकै कारण इतिहासको कुडाकर्कटमा मिल्काइएका तत्वहरु टाउको उठाउने दुःशाहस गरेको भन्दै आत्मआलोचना गरेका छन् ।
समाजवादी मोर्चाले गणतन्त्रको पक्षमा शुक्रवार काठमाडौं गरेको आमसभालाई सम्बोधन गर्दै पूर्वप्रधानमन्त्री समेत रहनुभएका अध्यक्ष दालालले जनचाहानाअनुसार काम गर्न नसकेकै कारण प्रतिगामी तत्वहरु सक्रिय भएको भन्दै आत्मआलोचना र आत्मसमिक्षा गरेका छन्। उनले विगतका गल्तीबाट पाठ सिक्दै जनता, शहीद परिवार, बेपत्ता योद्धा परिवार, घाइते र बेपत्ता पारिएका परिवारका सपना पूरा गर्ने भन्दै अर्को क्रान्तीको घोषणा गरे । उनले गणतन्त्रमा गरेका कमजोरीहरुलाई सच्याउँदै लोकतान्त्रिक गणतन्त्रलाई समाजवादी गणतन्त्रमा ढाल्नको लागि नयाँ आन्दोलन एवं क्रान्तीको आवश्यक रहेको बताएका छन् ।
उनले भने, ‘सायद हामी गणतन्त्रवादीहरुले सायद जनताका आशा अपेक्षाअनुसार काम गर्न नसकेकै कारण इतिहासको कुडाकर्कटमा मिल्काइएका तत्वहरुले पनि टाउको उठाउने दुस्साहस गर्न पाए । त्यसकारण अरुलाई गाली गर्नुभन्दा पहिले म सम्पुर्ण जनसमूदायसँग गणतन्त्रवदी नेताको हैसियतले पहिला आत्म आलोचना गर्न चाहान्छु, आत्मसमिक्षा गर्न चाहन्छु । र हामी ति गल्तीबाट शिक्षा लिएर फेरि एकचोटि जनताका पक्षमा, मजदुर किसानका पक्षमा, उत्पीडित, वर्ग, जार्ती, क्षेत्र र समूदायको पक्षमा सम्पूर्ण शहीद परिवार, बेपत्ता योद्धा परिवार तथा शहीद, घाइते र बेपत्ता पारिएका परिवारका सपना पुरा गर्न एउटा अर्को क्रान्तीको घोषणा म गर्न चाहान्छु । आफ्ना गल्तीहरु सच्याउँदै वर्गहरुतिर फर्कने, आफ्नो राजनीतिक विचार र मुद्दातिर फर्कने म यो मञ्चबाट औपचारिकताका लागि भनिराखेको छैन । हामीले गणतन्त्रमा गरेका कमजोरीहरुलाई सच्याएर यो लोकतान्त्रिक गणतन्त्रलाई समाजवादी गणतन्त्रमा ढाल्नको लागि हामी एउटा नयाँ आन्दोलन र क्रान्तीद्धारा अहिले देखिएका अन्यौल र समस्याहरुको समाधान गर्न चाहन्छौं । ’
उनले पूर्वराजा ज्ञानेन्द्र शाहलाई विगतमा धेरै गल्ती गरिसकेकाले फेरि अर्को गल्ती नगर्न चेतावनी दिएका छन् । नेपाललाई २४० वर्षसम्म संसारको सबैभन्दा गरिब देश बनाउनेहरुलाई नेपाली जनताले छुट नदिने समेत उनको दाबी छ ।
प्रकाशित मिति: १५ चैत्र २०८१, शुक्रबार
