२ चैत्र २०८१, शनिबार
काठमाडाै । नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ को सचिवालयले पार्टी सरकारमा जाँदैछ भनेर निरर्थक हल्ला फैलाइएको बताएको छ । प्रचण्डको सचिवालयले आज धारणा सार्वजनिक गर्र्दै माओवादी अहिले सरकारमा नजाने बताएको हो ।
साथै, माओवादी र नेतृत्वलाई कमजोर पार्ने उद्देश्यले यस्ता प्रकारको हल्ला फिँजाइएको प्रचण्डको सचिवालयले जनाएको छ । प्रचण्डको सचिवालले भ्रष्टाचारविरुद्ध सुशासनको महाअभियान लिएर जनताको घर–घरमा जनतासंग हातेमालो गर्दै अघि बढिरहेको माओवादी केन्द्रको अभियानबाट आँत्तिएर विरोधीहरुले यस्तो भ्रम फैलाएको बताएको छ ।
‘माओवादी केन्द्र पनि सरकारमा जाँदैछ भन्ने एउटा बेतुकको हल्ला बजारमा चलाईएको रहेछ । यसमा विल्कुलै सत्यता छैन। हाम्रो पार्टी र नेतृत्वको अहिले सरकारमा जाने भन्ने कुरा निरर्थक हल्ला मात्रै भएको जानकारी गराउँदछौं,’– प्रचण्डको सचिवालयले भनेको छ ।
प्रकाशित मिति: २ चैत्र २०८१, शनिबार
