२० भाद्र २०८१, बिहीबार
काठमाडौं । सरकारी अस्पतालमा निःशुल्क पाइने औषधिहरु किन फार्मेसीमा पैसा तिरेर किन्नुपर्ने अवस्था रहेको भन्दै सरकारी अस्पतालहरुको अनुगमनमा जोड दिन माओवादी सांसद देवेन्द्र पौडेलले आग्रह गरेका छन्।
बिहीवार सिंहदरबारमा बसेको शिक्षा, स्वास्थ्य तथा सूचना प्रविधि समितिको बैठकमा बोल्दै नेकपा (माओवादी केन्द्र) का सांसद देवेन्द्र पौडेलले अस्पतालमा निःशुल्क पाइने भनेका औषधिहरु अस्पताको फार्मेसीमा नपाइने तर बाहिर राखिएका फार्मेसीमा पैसा तिरेर किन्नुपर्ने अवस्था रहेको भन्दै अनुगमनमा जोड दिन आग्रह गरेका छन् ।
उनले सरकारी अस्पतालहरुमा फोहोर व्यवस्थापन हुन नसक्दा बिरामीहरु मनोवैज्ञानिक रुपमा झनै कमजोर हुने गरेको बताए । उनले केन्द्रिय वीर अस्पतालमै फोहोरको व्यवस्थापन नहुनु दुःखको विषय भएको बताएका छन् ।
उनले भने , ‘अस्पतालको अगाडि धेरैजसो दोकान नै दोकान छन् । निःशुल्क पाउने भनेको औषधि अस्पतालको भित्र पसलमा हुँदैन । बाहिर पसलमा नकिनी दिँदैन । डाक्टरले यो ले भन्छ । अनुगमन गर्नुहोला । अस्पतालको अगाडि पट्टि भएका अरु थुप्रै फकर प्रकृतिका पसलहरु र मेडिकल सम्बन्धी पसलहरुको अनुगमन गर्नुहोला । अस्पताल परिसरभित्र फोहोरको व्यवस्थापन हुनुपर्छ । अस्पतालभित्र पसिसकेपछि सफा सुग्घर हुनुपर्छ नि । बिरामी मनोवैज्ञानिक रुपमा पनि अब निको हुन्छ, भन्ने अवस्था हुनुप¥यो । केन्द्रिय अस्पताल वीर अस्पतालमै त्यो नहुनु भनेको अनुगमनको क्षेत्र फितलो छ ।’
प्रकाशित मिति: २० भाद्र २०८१, बिहीबार
