२८ चैत्र २०८०, बुधबार
काठमाडौं । रसुवाको नौकुण्ड गाउँपालिका अध्यक्ष नुर्बु स्याङबो घले मानव बेचबिखन तथा ओसारपसार मुद्दामा पक्राउ परेका छन् । प्रहरीको मानव बेचबिखन अनुसन्धान ब्यूरोले उनलाई बुधबार पक्राउ गरेको हो । घले २०७३ सालदेखि फरार रहेको प्रहरीले जनाएको छ ।
उनी लगायतका व्यक्तिले एक महिलालाई कुबेत लैजाने भन्दै भारतको नयाँदिल्ली हुँदै श्रीलंकाको कोलम्बो पुर्याएर बन्धक बनाएका थिए । ती महिला प्रहरी र संघ संस्थाको सहयोगमा उद्धार भएको थियो । सो मुद्दामा घले त्यसबेलादेखि नै फरार रहेको खुलेको छ ।
प्रकाशित मिति: २८ चैत्र २०८०, बुधबार
