धनुषा प्रशासनले दियो सकुम्बासी बस्तीका १० जनालाई नागरिकता

काठमाडौं। जिल्ला प्रशासन कार्यालय धनुषाले सकुम्बासी मुसहर बस्तीका १० जनालाई एकसाथ नागरिकता प्रदान गरेको छ ।

त्यस्तै, अशिक्षा गरिबीको कारण लामो समयदेखि नागरिकताबाट वञ्चित क्षिरेश्वरनाथ नगरपालिका-३ पकडियाका सुकुमबासी बस्तीका मुसहरहरूलाई प्रशासनले नागरिकता प्रदान गरेको प्रमुख जिल्ला अधिकारी चक्र पाणी पाण्डेले जानकारी दिएका छन् ।

त्यसैगरी, सबभन्दा बढी ४८ वर्षको उमेरमा मोतीलाल सदालगायत अनिता कुमारी सदा, इन्द्र रेखा सदा, विनीता कुमारी सदा, लरुवती देवी सदा, सरिता सदा, रामबाबु सदा, दीपेन्द्र सदाले नागरिकता पाएका हुन् ।

केही दिनअघि सो बस्तीनजिक एक कार्यक्रममा जाँदा सकुम्बासी बस्तीका उनीहरू लामोसमयदेखि नागरिकता नपाएको, कार्यालयमा गए पनि कागजी प्रक्रिया पूरा गर्न नसक्दा वञ्चित रहेको गुनासोपछि कार्यालयमै बोलाएर नागरिकता प्रदान गरेको प्रजिअ पाण्डे बताएका छन् ।

उनका अनुसार यसरी १५ जनाले नागरिकताको लागि कागजात पेस गर्दा कानुनी प्रक्रिया पूरा गरी १० जनालाई प्रदान गरिएको छ ।