८ माघ २०८०, सोमबार
काठमाडौं। प्रधानमन्त्री कप राष्ट्रिय एक दिवसीय क्रिकेट प्रतियोगितामा सोमबार एकै खेलमा दुई शतक प्रहार भएको छ। त्यस्तै, कीर्तिपुरस्थित त्रिवि मैदानमा मधेस र सुदूरपश्चिम प्रदेशबीचको खेलमा दुवै टिमका ब्याटरले शतक प्रहार गरेका हुन्।
टस जिते पहिले ब्याटिङ गरेको मधेसका मयन यादवले ११५ रन बनाए । त्यस्तै, राष्ट्रिय प्रतियोगितामा पहिलो शतक प्रहार गर्ने क्रममा उनले १२८ बलमा ८ चौका २ छक्का प्रहार गरे।
त्यस्तै, मयनको शतकसँगै मधेशसले ९ विकेटको क्षतिमा ३१९ रन जोड्यो। ३२० रनको लक्ष्य पछ्याउने क्रममा सुदूरपश्चिमका नरेन भट्टले शतक प्रहार गरेका छन् भने उनले १०८ बलमा शतक प्रहार गर्ने क्रममा १२ चौका प्रहार गरे।
जारी प्रधानमन्त्री कपमा यससँगै सात शतक प्रहार भइसकेको छ।
प्रकाशित मिति: ८ माघ २०८०, सोमबार
