५ माघ २०८०, शुक्रबार
काठमाडौं। नेकपा एकीकृत समाजवादीले केन्द्रीय परिषद् बैठकमा सहभागी हुने नेताहरूले दुई बुँदे निर्देशन जारी गरेको छ । माघ १४ र १५ गते हुने परिषद् बैठकमा सहभागी हुने नेताहरूलाई महासचिव घनश्याम भुसालले निर्देशन जारी गरेका हुन् ।
उक्त बैठकमा सहभागी हुन आउनेको पार्टी सदस्यता अनिवार्य रूपमा नवीकरण हुनुपर्ने र बैठकमा सहभागिताको लागि केन्द्रीय निकाय, प्रदेश कमिटी, जिल्ला कमिटी लगायतका समयमा नै आफ्नो-आफ्नो कार्य क्षेत्रका केन्द्रीय परिषद् सदस्यहरूलाई परिषद् बैठकबारे जानकारी गराउन पनि भनिएको छ ।
सो बैठकले पार्टीको विधानलाई पूर्णता दिने तयारी गरेको छ भने केन्द्रीय समितिको बैठकको निर्णयअनुसार अहिले विधानलाई पार्टीको तल्लो कमिटीमा छलफलको लागि पठाएको छ ।
प्रकाशित मिति: ५ माघ २०८०, शुक्रबार
