आज सुनको मूल्य फेरी घट्यो, तोलामा कति ?

काठमाडाैं। नेपाल सुनचाँदी व्यवसायी महासङ्घका अनुसार आज सुनको मूल्य घटेको छ ।शुक्रवार तोलामा एक लाख १८ हजार ८ सय रुपैयाँ भएको सुनको मूल्य आज १ हजार तीन सय रुपैयाँले घटेर तोलाको एक लाख १७ हजार ५ सय रुपैयाँ तोकिएको छ ।

त्यस्तै, आज चाँदीको मूल्य पनि घटेको छ । महासङ्घका अनुसार चाँदीको मूल्य तोलाको एक हजार ४ सय २५ रुपैयाँ कारोबार भएको छ । शुक्रवार भने चाँदीको मूल्य तोलाको एक हजार ४ सय ६० रुपैयाँ थियो ।