२४ मंसिर २०८०, आईतवार
काठमाडाैं। एसीसी-१९ वर्षमुनिको एसिया कप क्रिकेटमा अफगानिस्तानसँगको खेलमा नेपालले टस जितेको छ । नेपालले पहिले फिल्डिङ गर्ने भएको छ । यसअघि भएको पहिलो खेलमा नेपाल पाकिस्तानसँग ७ विकेटले पराजित भएको थियो भने नेपालले अब अर्को खेल पर्सि मङ्गलवार भारतसँग खेल्नेछ ।
त्यस्तै, आजै हुने अर्को खेलमा भारत र पाकिस्तान खेल्दैछन् । दुवै टोली आज दोस्रो जितको खोजीमा हुनेछन् भने भारतले पहिलो खेलमा अफगानिस्तानलाई पराजित गरेको थियो ।
उक्त प्रतियोगिताको सेमिफाइनल खेल मङ्सिर २९ गते हुनेछ । सो सेमिफाइनलमा समूह ‘ए’ को विजेता र समूह ‘बी’ को उपविजेता तथा समूह ‘बी’ को विजेता र समूह ‘ए’ को उपविजेता खेल्नेछन् । सेमिफाइनलमा पुग्न कम्तीमा दुई खेल जित्नुपर्ने हुन्छ भने प्रतियोगिताको फाइनल खेल आउँदो पुस १ गते हुनेछ ।
प्रकाशित मिति: २४ मंसिर २०८०, आईतवार
